Açiq mənbələrdən foto.
Bakı/13.09.21/Turan: Həbsdə olan Gədəbəy rayon İcra Hakimiyyətinin kecmiş başcısı Saleh Rüstəmovun korornavirusa yoluxması ilə bağlı sosial şəbəkələrdə yayılan məlumatlar doğre deyil. Saleh Rüstəmiov koronavirusa deyil, ağır qripə tutulub.
Bu barədə Saleh Rüstəmovun qaedaşı Taleh Rüstəmov Amerikanın Səsinə bildirib.
"Saleh Rustamovun bədən temperaturu yüksəkdir, iy və dad bilməmə kimi simptomları var. Həbsdə olan məhbusların çoxu hazırda bu vəziyyətdədir. Mediada məlumatlar yayıldıqdan sonra ondan test götürüblər, nəticəsi neqativ çıxıb. Qripə qarşı müalicə başlayıb. Hazırda durumu normaldır, bədən tempetaruru normallaşıb. Dərmanlarla təchiz olunub,” Taleh Rüstəmov Amerikanın Səsinə deyib.
Penitensiar Xidmət həbsdə olan bütün məhbusların koronavirusa qarşı vaksinasiya olunduğunu bildirib. Bununla yanaşı, qeyri-rəsmi mənbələr həbs yerlərində koronavirus yoluxan çoxsaylı xəstələrin olduğunu bildirir.
Penitensiar Xidmətin müalicə müəssisəsinin baş həkimi Nicat Cəlilovla bu məlumatları “şayiə” kimi qiymətləndirib.
"Tibbi Ərazi Bölmələrinin İdarəetmə Birliyi ilə əməkdaşlıq edirik, statistik göstəricilər Penitensiar xidmətdə koronavirus xəstəliyin siz dediyiniz dərəcədə yayılmamasını göstərir. Lazımı qədər həkim, dərman və ləvazımatımız var. Yoluxmuş səxtələri saglamlardan izolyasiya edirik," Cəlilov qeyd edib.
Azərbaycan Xalq Cəbhəsi Partiyasının (AXCP) Rəyasət Heyətinin üzvü Aqil Məhərrəmov, Gənclər Komitəsi Məclisinin sədri Ruslan Nəsirov və Nərimanov şöbəsinin sədri Babək Həsənov 2018-ci il mayın 25-də saxlanılıb. AXCP fəalları ilə eyni cinayət işi üzrə təqsirləndirilən Gədəbəy Rayon İcra Hakimiyyətinin keçmiş başçısı Saleh Rüstəmov isə daha əvvəl həbs edilib.
Onların saxlanılması ilə bağlı Baş Prokurorluq və Daxili İşlər Nazirliyi birgə məlumatına görə, AXCP funksionerləri və Saleh Rüstəmov çirkli pul vəsaitlərini leqallaşdırmaqda ittiham olunur.
Açıqlamada Saleh Rüstəmovun Rusiyadan AXCP-yə pul göndərdiyi, həbs edilmiş fəalların həmin vəsaitləri alıb partiya rəhbərinə çatdırdıqları bildirilir.
Onlar Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1, 193-1.3.2 (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) və sair maddələri ilə günahkar bilinib.
Bakı Ağır Cinayətlər Məhkəməsi Gədəbəy rayon İcra Hakimiyyətinin keçmiş başçısı Saleh Rüstəmovu 7 il 3 ay, AXCP Rəyasət Heyətinin üzvü Aqil Məhərrəmovu 4 il, bu partiyanın Nərimanov rayon şöbəsinin sədri Babək Həsənovu 3 il həbsə məhkum edib.
AXCP sədri Əli Kərimli ittihamı rədd edərək, bunu “qurama iş” adlandırıb.
Bu cinayət işi üzrə həbs edilənlərdən Babək Həsənov bu il martın 18-də əfv olunub.-03-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz