![Gələcək Azərbaycan Partiyasının fəalı 30 sutkalığa həbs olunub](https://turan.az/resized/./turan-750-500-resize.webp)
Gələcək Azərbaycan Partiyasının fəalı 30 sutkalığa həbs olunub
Bakı/25.07.18/Turan: Gələcək Azərbaycan Partiyası Suraxanı rayon təşkilatının üzvü Tariyel Məmmədov 30 sutkalığa həbs olunub. O, ötən gün Sabunçu rayonu ərazisində partiya fəalları ilə görüş zamanı saxlanılıb.
Partiya sədri Ağasif Şakiroğlu Turan-a bildirib ki, T.Məmmədov öncə Sabunçu Rayon Polis İdarəsinə, sonra Suraxanı polisinə aparılıb.
Bu gün məlum olub ki, T.Məmmədov "ictimai asayiş"i pozduğuna görə inzibati qaydada 30 sutka həbs edilib. Partiya lideri fəalın həbsini "tamamilə qanunsuz" adlandırıb.
Gələcək Azərbaycan Partiyası 2013-cü il dekabrın 20-də təsis edilib. Parlamentin eks-spikeri, 1996-cı ildən siyasi mühacirətdə olan Rəsul Quliyev partiyanın fəxri üzvüdür.-06D--
-
- Cəmiyyət
- 25 İyul 2018 17:58
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz