Elmar Vəliyev
Bakı/14.06.19/Turan: Ötən gün Sabunçu Rayon Məhkəməsində "Gəncə işi" üzrə hər biri 8 nəfərdən ibarət 2 qrupun məhkəmə prosesi olub.
Hüquq müdafiəçisi Oqtay Gülalıyev bildirib ki, iyunun 13-də müdafiə tərəfinə iki yeni vəkil qoşulub: Şəhla Hümbətova və Zibeydə Sadıqova.
"Yeni vəkillərin iştirakı elə ilk prosesdə hakimlə onlar arasında gərginliyə səbəb olub. Hakim Dadaş İmanovun vəkillərin və təqsirləndirilən şəxslərin çıxışını dəfələrlə kəsməsi, onlara əsassız xəbərdarlıq edib işgəncə mövzusunda danışmalarına mane olması, birtərəfli mövqe tutması zalda narazılığıa səbəb olub", - O.Gülalıyev bildirib.
Bununla əlaqədar vəkil Ş. Hümbətova və digər vəkillər hakim D. İmanova etiraz ediblər. Etiraza bu gün baxılacaq.
13 iyun iclasının diqqət çəkən məqamlarından biri işgəncə hallarının araşdırılması ilə bağlı baş prokurorun birinci müavin Rüstəm Usubovun məktubunun açıqlanması olub. Məktubda bildirilib ki, "işgəncələr barədə bəyanatlar" öz təsdiqini tapmayıb.
"Prokurorluğun bu qərarı bədənlərində hələ də işgəncə izləri qalan və bunun fiziki- mənəvi əzabını yaşayan məhbusların etirazına səbəb olub", - O.Gülalıyev bildirib. O, araşdırmanın formal olduğunu deyib.
Hətta 2018-ci il iyulun 10-11-də Gəncə Polis idarələrində baş verənlərə videokameralarda baxmağı "unudublar".
O.Gülalıyev hesab edir ki, müstəqil vəkillərin işə qoşulması ilə işgəncə faktlarının yoxlanması məsələsi gündəmə tez-tez gəlir, bu isə bu məsələdən yan keçmək istəyən məhkəməni də, prokurorluğu da ağır duruma salır.
O deyib ki, əvvəlki məhkəmələrdən fərqli olaraq bu məhkəmə prosesində Aİ nümayəndəliyinin və ABŞ səfirliyinin əməkdaşları iştirak ediblər.
* 2018-ci il iyulun 3-də Gəncədə şəhərin o zamankı rəhbəri Elmar Vəliyevə qarşı sui-qəsd törədilib. Əslən Gəncədən olan Yunis Səfərov onu və onun cangüdənini yaralayıb.
Bundan sonra sosial şəbəkələrdə iyulun 10-na Gəncə administrasiyasının qarşısında E.Vəliyevin işinə etiraz olaraq aksiya təyin edilib.
İyulun 10-da axşam DİN Gəncədə iğtişaşlar barədə məlumat yayıb. Hadisələr zamanı iki polis əməkdaşı öldürülüb. Bunun ardınca dindarlar arasında kütləvi həbslər baş verib. 60-a yaxın adam cinayət məsuliyyətinə cəlb edilib. Silahlı müqavimət zamanı 6 nəfər öldürülüb.
Martın əvvəlində ümumi sayı 14 nəfərdən ibarət iki qrupun barəsində hökm çıxarılıb. Onlar kütləvi iğtişaşlarda iştirakda və polis əməkdaşlarına qarşı zorakılığın tətbiqində ittiham olunaraq 5 ildən 8 ilədək azadlıqdan məhrum ediliblər. -05B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz