Osman Narimanoglu (Rzayev)
Bakı/26.07.23/Turan: "Demokratik.az" saytının redaktoru, Gəncə İstintaq Təcridxanasında saxlanılan Osman Nərimanoğlu (Rzayev) iyulun 23-dən aclıq edir. Bu barədə Turan-a onun xanımı Arzu Rzayeva bildirib. O, iyulun 26-da Osman Nərimanoğlu ilə görüşüb.
Onun sözlərinə görə, jurnalist əsassız cinayət təqibinə etiraz olaraq aclıq edir.
Nərimanoğlu aclıq etməsi barədə istintaq təcridxanasının rəhbərliyinə yazıb.
Rzayeva həyat yoldaşının işi üzrə məhkəmə istintaqının əsassız yubadıldığını deyib.
Penitensiar Xidmət jurnalistin aclıq etməsi barədə məlumatı təkzib edib.
"Penitensiar Xidmətə Osman Rzayevdən aclıq etməsi barədə hər hansı rəsmi müraciət daxil olmayıb",- idarədən bildiriblər.
5 iyul 2022-ci ildən həbsdə olan jurnalist daha öncə bildirib ki, o, peşə fəaliyyətinə görə Göygöl rayonunun vəzifəli şəxslərinin ona qarşı apardığı böhtan kampaniyasının qurbanı olub.
Göygöl xəstəxanasının direktoru Vasif Əliyevin, rayon Suvarma Sistemləri İdarəsinin keçmiş rəisi İlqar Məhərrəmovun və daha iki həkimin şikayətləri əsasında ona qarşı Azərbaycan Respublikası Cinayət Məcəlləsinin 182.2.2-ci maddəsilə (hədə-qorxu yolu ilə tələb etmə) ittiham irəli sürülüb. 06B
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz