Fevralın 5-də Gəncədə iş tapmaq istəyənlərin sayının çox olması ilə əlaqədar əmək yarmarkasının keçirilməsi ləğv olunub.
Yarmarka hakim Yeni Azərbaycan Partiyasının gənclər təşkilatının binasında keçirilib. Amma axın çox olduğuna görə giriş məhdudlaşdırılıb, bu da müqavimət və basabas yaradıb. İnsanların narazılığı girişin polis mühafizəsi altına götürülməsinə səbəb olub.
Sosial şəbəkələrdəki videomateriallardan göründüyü kimi, polis toplaşanları binadan uzaqlaşdırmağa başlayıb, Gəncə şəhər İcra Hakimiyyətinin rəhbəri Elmar Vəliyev isə toplaşanlara yarmarkanın gələn həftəyə keçirildiyini elan edib.
Yarmarka Əmək və Əhalinin Sosial Müdafiəsi Nazirliyi tərəfindən təşkil edilib. Burada 47 dövlət və 13 özəl müəssisə 750 vakansiya təklif edilirdi. Gəncə şəhər Məşğulluq Mərkəzində 3569 işsiz qeydiyyata alınıb.
Gəncə Azərbaycanın əhalisinin sayına görə ikinci şəhəridir, ölkənin qərbində, paytaxtdan 400 km qərbdə yerləşir. Qeyri-rəsmi məlumatlara görə, bu şəhərdə 400 minə yaxın insan yaşayır. -16D-
Cəmiyyət
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
Rəy yaz