![AİB AccessBankı dəstəkləyəcək](https://turan.az/resized/750/500/resize/media/2016/main/020500146036.jpg)
AİB AccessBankı dəstəkləyəcək
AccessBank Asiya İnkişaf Bankı ilə çərçivə sazişi imzalayıb. Sazişə əsasən, AİB Banka 2018-ci ilin sonunadək institusional inkişaf üzrə dəstək verəcək.
AccessBankın məlumatına görə, əməkdaşlıq çərçivəsində AİB iki strateji sahədə - elektron bankçılığa əsaslanan pərakəndə xidmətlərin inkişafı, eləcə də şəhər və kəndlərdə fəaliyyət göstərən kiçik və orta biznes (KOB) müştəriləri üçün qeyri-maliyyə xidmətlərinin tətbiqi istiqamətində Banka texniki yardım göstərəcək.
"Biz AİB ilə uğurlu tərəfdaşlığımızı genişləndirməkdən məmnunuq və bu yeni razılaşmanı bizə və uzunmüddətli münasibətlərimizə göstərilən etimad kimi dəyərləndiririk. Əminəm ki, bu əməkdaşlıq sayəsində Bankımız ölkədə fəaliyyət göstərən bütün müştərilərimizin rahatlığı üçün xidmətlərini daha da təkmilləşdirəcək və məhsul çeşidlərini genişləndirəcək”, - deyə AccessBankın İdarə Heyətinin Sədri Michael Hoffmann bildirib.
«Sahibkarlara dəstək məqsədi ilə AİB-nın özəl sektorda keçirdiyi əməliyyatlar çərçivəsində AccessBank-la əməkdaşlıq etməkdən çox şadıq. Bu əməliyyatların köməyi ilə AİB xüsusən Azərbaycan regionlarında, sahibkarlara maliyyə xidmətlərinin göstərilməsinə və onların təşkilati imkanlarının genişləndirilməsinə şərait yaradır”, - deyə AİB-nın Dövlət İdarəçiliyi, Maliyyə Sektoru və Ticarət məsələləri üzrə Direktoru Rainer Hartel bildirib.
Asiya İnkişaf Bankı п dövlət və özəl sektorlarda əməliyyatlar həyata keçirməklə, hərtərəfli və dayanıqlı iqitsadi inkişafı stimullaşdıraraq Azərbaycanı dəstəkləyir.
1999-cu ildən bü günədək əməkdaşlıq çərçivəsində AİB Azərbaycana 12 layihə üzrə $2,64 mlrd kredit, 7 layihə üzrə $10 mln texniki yardım edib, özəl sektora $160 mln kredit verib.—0--
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz