Bakı/07.01.20/Turan: Bakının Sabunçu Rayon Məhkəməsinin binasında Gəncə Şəhər İcra Hakimiyyətinin keçmiş başçısı Elmar Vəliyevə sui-qəsd cəhdində ittiham olunan Yunis Səfərov və digər 11 nəfərin məhkəməsi başlayıb.
İşə Məhəmməd Bağırovun sədrliyi ilə Gəncə Ağır Cinayətlər Məhkəməsi baxır.
Gəncə icra başçısına və polis işçisinə qarşı planlı terror aktını törətməkdə ittiham olunan Y.Səfərov dövlət tərəfindən təyin olunan vəkildən imtina edib.
O qeyd edib ki, həbs edildikdən sonra ailə üzvləri ilə görüşə və onlarla telefonla əlaqə yaratmasına icazə verilməyib.
Sonra müttəhim Ceyhun Qurbanovun vəkili Famil Şükürov çıxış edib.
“İstintaq zamanı Ceyhun Qurbanovun mobil telefonundan yazışmaların yoxlanması üçün vəsatət qaldırdım. İttiham tərəfi bildirir ki, Ceyhun bu telefondan Səfərova məlumat ötürüb, lakin bizim vəsatət təmin olunmadı”, - vəkil deyib.
Vəkil həmçinin qeyd edib ki, müttəhim uşaqlıqdan epilepsiya xəstəliyindən əziyyət çəkir. Həbsdə olduğu müddətdə 7-8 dəfə qıcolma keçirib. O, tibbi ekspertizanın keçirilməsi barədə vəsatət qaldırıb.
Digər vəkil Fariz Namazlı müttəhimlərin məhkəmə zalında qandalda olmasına etiraz edərək buna gərək olmadığını deyib. Təqsirləndirilən şəxslər özləri də əllərindən qandalların çıxarılmasını tələb ediblər.
Müttəhim Hamlet Abdullayev bildirib ki, doğuşdan birinci qrup əlildir.
“Zalda nəfəs almaq çətindir. Heç olmasa mənim və Ceyhunun qandallarını çıxarsınlar. Hər ikimizin ürəyi xəstədir”, - o deyib.
Müttəhim Firudin Zeynalov hakimdən prosesin niyə Gəncədə deyil, Bakıda keçirildiyini soruşub.
Dövlət ittihamçısı Pərviz Mirhəşimov müttəhimlərin ağır cinayətlər törətdiklərini və özlərinə bədən xəsarəti yetirə biləcəklərini qeyd edərək qandalların çıxarılmasına etiraz edib.
Vəkillər istintaq zamanı kobud qanun pozuntularına görə işin ibtidai istintaqa qaytarılması, həbs qətimkan tədbirinin dəyişdirilməsi və proses müddətində müttəhimlərin sərbəst buraxılması barədə vəsatət qaldırıblar. Məhkəmə yanvarın 8-nə qədər fasilə elan edib.
*İttihama görə, xarici radikal dini dairələrin nümayəndəsi olan Yunis Səfərov 2018-ci il iyulun 3-də Gəncə şəhərində İcra Hakimiyyətinin başçısı və polis əməkdaşına qarşı öncədən planlaşdırılmış terror aktı törədib.
O və bu iş üzrə keçən digər şəxslər Azərbaycanın konstitusiya quruluşunu zorla dəyişdirmək və şəriət dövləti yaratmaq məqsədilə terrorizmdə, qanunsuz silahlı dəstələr yaratmaqda, qanunsuz silah saxlamaqda, ağırlaşdırıcı hallarda polis əməkdaşlarını və qisas məqsədi ilə dövlət xadimlərini öldürmək cəhdində, dövlət əleyhinə çağırışlarda və digər ağır cinayətlər törətməkdə ittiham olunurlar.-30C06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz