Gənclər Məclisi (GM) bu günlərdə ilk sessiyasını keçirib. Bu haqda Turan-a qurumun mətbuat xidmətindən məlumat verilib.
İlkin Qəmbərin sədrliyi ilə keçən iclasda Məclis üzvləri “Fərqli siyasi mübarizə” mövzusunu müzakirəyə çıxarıblar. Müxalifətin “əzilən, zərərçəkmiş” obrazının dəyişdirilməsinin vacib olduğu irəli sürülüb. Gənclər yeni obrazın təqdim olunmasında yeni siyasi mübarizənin əsas rol oynaya biləcəyi məsələsində ortaq mövqe nümayiş etdiriblər.
Daha sonra MDB məkanı və dünyadakı siyasi mübarizə formaları, baş verən önəmli hadisələrə dərhal amma fərqli, müasir texnologiyanın imkanlarından bəhrələnməklə reaksiya vermək və kütləvi yayımına nail olmaq yolları axtarılıb. Telekanalların müxalif fikrə bağlı olduğunu əsas gətirən natiqlər yeni mediadan səmərəli istifadəni önə çəkiblər.
GM-in əsas məqsədi kimi hakimiyyət uğrunda mübarizə yox, fəal gənclərin imkanlarından istifadə etməklə cəmiyyətin aktivləşməsinə və müqavimət qabiliyyətinin formalaşmasına töhvə vermək olduğu qabardılıb. Ənənəvi vasitələrin hədəfə çatmaq üçün effektiv olmadığı müzakirə edilib. Sosial şəbəkələrin imkanlarını layiqincə qiymətləndirmək, ondan bəhrələnmək üçün gənclər təcrübələrini paylaşıblar.
Gənclər Məclisini ölkənin ictimai-siyasi həyatında fəal rol oynamağa iddialı olan 50-yə qədər gənc bu il noyabrın 5-də təsis edib.-05D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz