"Getdik!"

Bu gün Rusiyanın sovet bayramını - insanın ilk dəfə Kosmosa uçmasına həsr olunmuş Kosmonavtika Gününü qeyd edir. 12 aprel 1961-ci il tarixində Yuriy Qaqarin tarixi "Getdik!" sözünü deyib və kosmik məkana addım atıb.

30 il sonra elə həmin gün Turan İnformasiya Agentliyi ilk dəfə olaraq informasiya məkanına çıxmaq üçün rəsmi icazə alıb. Turan Agentliyi Azərbaycanın ilk müstəqil informasiya agentliyi olaraq 5 may 1990-cı ildə Sovet Mətbuatı Günündə təsis edilib. Təsis tarixi qəsdən seçilmişdi və kommunist ideologiyasına söz azadlığı sahəsində meydan oxumağa xidmət edirdi. Lakin o vaxtkı qanunvericilik nöqteyi-nəzərdən sonrakı informasiya işi qeyri-leqal olub.

Azərbaycanda KİV-lərin qeydiyyatı ilə mətbuat üzrə Dövlət Komitəsi məşğul olurdu, qurum agentliyin qeydiyyat haqqında bütün müraciətlərinə "Gözləyin" cavabı verirdi. Nə hə, nə yox. Nəhayət, ultimatuma əl atmalı olduq. Aprelin əvvəllərində dövlət komitəsinin sədri Hacı müəllimin otağına girdim və qəti şəkildə bildirdim ki, agentlik qeydiyyatdan keçirilməsə Qorbaçova məktub yazacağımı dedim: "Açıqlıq siyasətini pozursunuz". "Lazım deyil", deyə təşvişə düşən sədr bildirdi.

Aprelin 12-də mənə dedilər ki, qeydiyyat haqqında şəhadətnaməni götürə bilərəm. Həmin gün sənədi agentliyin yalnız Azərbaycanın hüdudları daxilində, belə demək olarsa, "yer orbitində" məlumat yaya biləcəyi haqqında qeydlə aldım. Lakin mən əlimdə şəhadətnamə ilə agentliyə gəlib yüksək səslə "Getdik!" dediyim gündən bəri biz beynəlxalq informasiya məkanına çıxaraq, gündən-günə bu məhdudiyyəti aşdıq.