Dövlət Gömrük Komitəsi (DGK) açıqlama yayaraq, ad çəkmədən bəzi KİV-lərə narazılıq ifadə edib.
Komitə bəzi KİV-lərdə özlərini iqtisadçı ekspert kimi təqdim edən şəxsləri komitənin gömrük bəyannamələrinin tərtibilə bağlı güzəştlər haqda qərarına ikrahla yanaşmaqda ittiham edir. “Qərar yanlış yozulmaqla bərabər, komitənin fəaliyyəti ilə bağlı həqiqətə uyğun olmayan fikirlər səsləndirilir”, deyə açıqlamada vurğulanır. Komitə KİV-ləri və mütəxəssisləri komitənin fəaliyyətinin və verdiyi qərarların müzakirəsinə diqqətli olmağa çağırır.
Bu il yanvarın 27-dən etibarən Gömrük Komitəsi mal və nəqliyyat vasitələrinin rəsmiləşdirilməsi üçün gömrük bəyannamələrinin tərtibinə görə xidmətlərə 70% güzəşt tətbiq edib. Gömrük bəyannamələrinin tərtibinə görə xidmət haqqı 50 AZN-ə (ƏDV daxil deyil) endirilib. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz