Göyçayda Bəyirli kənd sakinlərinin pay torpaqları zəbt edilib
Göyçay rayonunun Bəyirli kəndinin 6 nəfər sakini (Nahid Quliyev, Rahim Feyzullayev, Əlisəfa Quliyev, Vahid Adıgözəlov, Zülfi Feyzullayev, Qurban Adıgözəlov) pay torpaqlarının zəbt edilməsi ilə bağlı Turan agentliyinə müraciət edib.
Müraciətdə deyilir ki, onların pay torpaqları 1999-2000-ci illərdə kəndin imkanlı şəxslərinə verilib. Bu sakinlərin hüquqları 5 il davam edən məhkəmə prosesləri nəticəsində tanınıb. “Bütün məhkəmə instansiyaları iddiamızı təmin edib. Məhkəmə icraçıları bir neçə dəfə kəndə gələrək pay torpalarımızı zəbt edənlərdən onların boşaldılmasını tələb edib. Lakin torpağı zəbt edənlər məhkəmə qərarına tabe olmur. Onlar torpaq sahələrini rayon torpaq şöbəsi və yerli bələdiyyədən aldıqlarını iddia edir”, deyə şikayətçilərdən Nahid Quliyev Turan-ın müxbiri ilə telefon söhbətində bildirib.
Sakinlər həmçinin Göyçay rayon icra hakimiyyəti başçısı və Prezident Administrasiyasında qəbulda olub. Lakin indiyədək hüquqlarının bərpa olunmadığını bildirirlər.
“Biz 29.09.2014-cü ildə Prezident Administrasiyasına yenidən qəbula gedəcəyik. İnanırıq ki, bizi qəbul edib dərdimizi dinləyib, rayon rəhbərliyi tərəfindən başımıza gətirilən qanunsuzluq barədə prezident İlham Əliyevə məlumat veriləcək və bizə kömək olunacaq. Mətbuat vasitəsi ilə prezident İlham Əliyevə müraciət edirik. Cənab prezident, xahiş edirik ki, saxta sənədlər ilə zəbt edilmiş qanuni pay torpaqlarımızın özümüzə qaytarılmasına köməklik edəsiniz. Biz sizə inanırıq”, deyə müraciətdə qeyd edilir.
Turan agentliyi dəfələrlə Göyçay İcra Hakimiyyətindən şikayətlə bağlı mövqe öyrənməyə çalışsa da, bu, mümkün olmayıb. Belə ki, Göyçay rayon İcra Hakimiyyətinin rəsmi saytında göstərilmiş əlaqə telefonlarına cavab verən yoxdur. -03B-
-
- İqtisadiyyat
- 17 Sentyabr 2014 15:50
-
- Foto sessiyalar
- 17 Sentyabr 2014 17:37
Cəmiyyət
-
Oktyabrın 29-da paytaxtda hava şəraiti dəyişkən olacaq. Gecə və səhər bəzi yerlərdə yağış yağa bilər. Bəzi yerlərdə duman olacaq. Şimal-qərb küləyi əsəcək.
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
Rəy yaz