Bakı/22.05.17/Turan: Ötən bazar günü Azərbaycanın şimal-qərb rayonlarında güclü külək və leysan yağışları olub.
"Mayın 21-i axşamüstü həm güclü külək qalxdı, həm də leysan yağışlar oldu, indi dəyən ziyanla bağlı nəticələr aradan qaldırılır". Bunu İsmayıllı Rayon İcra Hakimiyyəti başçısının birinci müavini, Rayon Fövqəladə Hallar Komissiyasının sədri Rövşən Ağayev bildirib.
Rayon mərkəzində rabitə və elektirk sistemi pozulub. Güclü külək ağacları 8 kommunal binanın üzərinə aşırıb, daha 30 şəhər sakini evlərinə ziyan dəyməsilə bağlı komissiyaya müraciət edib, ağacın üzərinə yıxılması nəticəsində bir avtomobil əzilib.
R.Ağayev deyib ki, hazırda İsmayıllı şəhərində rabitə və elektrik sisteminin bərpası ilə bağlı işlər davam edir. -05B-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz