Dünən axşam saatlarında ölkənin bəzi şəhər və rayonlarında qasırğa, güclü qərb küləyi baş verib.
FHN-nin məlumatına görə, Gəncədə və Şəmkirdə küləyin sürəti saniyədə 40 metrə çatıb. Həmin ərazilərdə müxtəlif təsərrüfat obyektlərinə və infrastrukturlara ciddi ziyan dəyib.
Gəncə Şəhər İcra Hakimiyyəti başçısının müavini Naqif Həmzəyevin “Azadlıq” radiosuna verdiyi məlumata görə, qasırğa Üzeyir Hacıbəyov küçəsindəki iki binanın dam örtüyünü qoparıb.
Dünən şəhərin yarısından çoxu enerjisiz qalıb. Bundan başqa güclü külək regionun aran, şimal-qərb bölgələrində də müşahidə olunub.
Şəkidə və Qaxda küləyin gücündın ağaclar, elektrik dirəkləri aşıb. Telefon xətti kəsilib, qaz verilişi dayanıb.
Zaqatalada isə qeyri-sabit hava şəraiti nəticəsində ümumi sahəsi 40 kv/m olan birmərtəbəli 2 otaqlı evi ildırım vurub.
Hazırda müvafiq komissiyalar yerlərdə dəymiş ziyanı müəyyənləşdirirlər. -16D-
Cəmiyyət
-
Fazil Qasımov, tanınmış alim Qubad İbadoğlu ilə birlikdə saxta pul hazırlamaqda ittiham olunan Azərbaycanlı iqtisadçı, iş üzrə digər təqsirləndirilən şəxs Anar Əliyevin, hüquq komandasını buraxmazsa, onu öldürməklə hədələdiyini iddia edib.
-
Bazar günü, yanvarın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində bəzi yerlərdə arabir çiskinli yağış yağacağı gözlənilir. Şimal-qərb küləyi əsəcək.
-
Azərbaycanın İnformasiya və Kommunikasiya Texnologiyaları Agentliyi (İKTA) ölkədə fəaliyyət göstərən internet provayderlərinin (İSP) son reytinqini açıqlayıb. Reytinqdə provayderlər iki əsas meyara — istehlakçı şikayətlərinin sayına və müraciətlərə cavab vermə sürətinə görə qiymətləndirilib. Nəticələr isə ölkənin İSP-ləri arasında keyfiyyət baxımından ciddi fərqləri üzə çıxarıb.
-
“Azercell Telekom” MMC və ADA Universiteti Fondunun əməkdaşlığı çərçivəsində həyata keçirilən “İdeya İnkubasiyası Proqramı”nın növbəti mərhələsi start götürüb. Ötən ildən etibarən uğurla davam edən bu proqram Azərbaycanın startap ekosisteminin gücləndirilməsinə, gənc mütəxəssislərin İT və İKT sahələrində inkişafına dəstək olmaq məqsədini daşıyır. Bu il “İdeya İnkubasiyası Proqramı”nda tələbələrdən ibarət 10 komanda birincilik uğrunda yarışacaq.
Rəy yaz