Güclü qar yağması nəticəsində ölkənin dağ rayonlarının avtomobil yollarını buz bağlayıb. Əsasən Ağsu aşırımında (Bakı-Şamaxı-Yevlax trası), həmçinin Muğanlı-İsmayıllı aşırımında, İsmayıllı-Lahıc və Şamaxı-Pirqulu yolunda nəqliyyatın hərəkət məhdudlaşıb.
Yolların təmizlənməsinə baxmayaraq, Dövlət Yol Polisi sürücüləri həmin yollarla getməməyə, alternativ – Bakı-Qazax, Kürdəmir-Ağsu, Ucar-Göyçay, Ağdaş-Qəbələ yollarından istifadə etməyə çağırıb.
Bəzi yerlərdə əlverişsiz hava şəraiti fövqəladə hallara səbəb olub. Belə ki, Şəmkir rayonundan 20 km.də yerləşən Dağ Çayır kəndində içərisində beş nəfərin olduğu VAZ markalı avtomobil qar çovğununa düşərək yoldan çıxıb. Hadisə yerinə FHN-in xilasediciləri gəliblər, zərər çəkən olmayıb.
Sinoptiklərin məlumatına görə, istirahət günlərində yağıntılar kəsiləcək, hava aydın olacaq. Lakin havanın temperaturu əvvəlkitək aşağı olacaq, yollarda buz qalacaq.
Bakıda və Abşeronda havanın temperaturu gecə saatlarında -1 +3 dərəcə, gündüz +1 +5 dərəcə olacaq.—06D-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz