Prezident Heydər Əliyevin 93 illiyi ilə əlaqədar mayın 10-da Aeroport-Zığ yolundakı boş yerlərdən birində ağacəkmə kampaniyası həyata keçirilib.
İDEA ictimai birliyinin fəallarının iştirak etdiyi aksiyaya prezident İlham Əliyev, birinci ledi Mehriban Əliyeva və onların qızı Leyla rəhbərlik edib.
Bu gün əsasən zeytun qələmləri əkilib, onlar subtropik Abşeron şəraitinə yaxşı uyğunlaşır.
Əliyevlər ailəsinin neçə qələm əkdiyi dəqiq məlum deyil, amma Ekologiya Nazirliyinin məlumatına görə, son 8 ildə 1 milyon 268 min zeytun ağacı əkilib, bundan başqa, Eldar şamı, sərv ağacı, tuya, oleandr, Arizona sərv ağacı və s. əkilib.
Bu, Heydər Əliyevin ad günündə ilk ağac əkilməsi aksiyası idi. Aksiyada onun yaxınları iştirak ediblər. Adətən mayın 10-da Bakıda Gül Bayramı keçirilirdi, bu il bu bayram ləğv edilib. Göründüyü kimi, indi bu bayramı ağacəkmə ənənəsi əvəz edəcək ki, bir gün üçün idxal güllərin alınmasına milyonlarla vəsait xərcləməklə müqayisədə bu, daha yararlıdır.
Amma Heydər Əliyevin növbəti ad günü üçün ağacəkmə kampaniyasının mayın 10-nu gözləmədən, baharın əvvəllərində həyata keçirilməsi, yəqin ki, daha doğru olardı. İsti havada qələmlərin tutması ehtimalı xeyli azalır. -0-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz