Dünya Azərbaycanlıları Bakıya toplaşır

Dünya Azərbaycanlılarının IV qurultayının iyunun 3-4-də Bakıda keçiriləcəyi gözlənilir. Xəbəri Diaspora ilə iş üzrə Dövlət Komitəsi yayıb.

Qurultaya hazırlıqla bağlı Diasporla İş üzrə Dövlət Komitəsinin Təşkilat Komitəsi yaradıb.

Qurultayda dünyanın 49 ölkəsindən 500-dən çox Azərbaycan diaspor təşkilatlarının nümayəndələrinin, Azərbaycana dost münasibəti ilə tanınan xarici ölkələrin nüfuzlu siyasətçiləri, ictimai xadimləri və elm adamlarından ibarət 50 nəfərə yaxın qonağın iştirakı gözlənilir.

Tоplаntıdа Dünyа Azərbаycаnlılаrının III Qurultаyındаn kеçən dövr ərzində görülmüş işlər müzаkirə оlunаcаq, həmçinin müasir dövrdə Azərbaycan həqiqətlərinin dünya ictimaiyyətinə çatdırılması sahəsində qarşıda duran vəzifələr, müəyyən ediləcək. Qurultayda mövzuların müzakirəsi üçün panellərin təşkili gözlənilir.

Qeyd edək ki, hazırda dünyanın bir çox ölkəsində 450-dən çox Azərbaycan diaspor qurumu fəaliyyətədir. 

Xatırladaq ki, dünya azərbaycanlılarının I qurultayı prezident Heydər Əliyevin təşəbbüsü ilə 2001-ci ilin noybarın 9-10-da Bakı şəhərində keçirilib. II Qurultay 2006-cı il mart ayının 16-da, III Qurultay isə 2011-ci ilin iyul ayının 5-6-da keçirilib. -05D-