Qardaşım – Cahangir Hacıyev nəyə görə həbs olunub?

Qondarma “Oliqarxların” istintaq işi sona çatmaq üzrədir. Maliyyə Nazirliyinin qabaqcadan düşünülmüş çoxsaylı auditor yoxlamaları pul vəsaitləri ilə əlaqəsi olan faktlar aşkar edə bilmədi. FHN-in son yoxlamaları da müsbət nəticələr verdi. ABB-dən götürülən kreditlər təyinatı üzrə istifadə olunub. Heç kim heç nə oğurlamamışdır. Bəs nə üçün bu müəssisələrin direktorları bütün ili həbsdə yatmalıdırlar?

Maliyyə Nazirliyinin təşəbbüsü ilə bütün bu işgüzar və dövlətə mənfəət gətirən müəssisələrin fəaliyyəti dayandırılmışdır. İş yerləri tam bağlanmışdır. Nəinki təkcə direktor, eləcə də orada işləyən işçilər də zərər çəkmişlər. Bunu bir təxribat kimi qələmə vermək olar.

Belə bir sual ortaya çıxır – Maliyyə Nazirliyi nə məqsəd güdürdü?

İndi isə kreditlərin verilməsi barədə Cahangirə qarşı irəli sürülən ittihamla bağlı məsələyə keçək.

Mən düşünürəm ki, bu, heç kim üçün sirr deyil ki, çoxsaylı kreditlərin verilməsi bir adamın işi deyil. Verilən kreditlər uzun bir yol keçir: kredit komitəsi, Mərkəzi bank və sonda Maliyyə Nazirliyinin Müşahidə Şurası.

Axı Cahangir bu idarələrin yanından ötməklə necə özbaşına kredit verə bilərdi? Maliyyə Nazirliyi haraya baxırdı? Əgər kreditlərin verilməsi cinayətdirsə, onda buna görə yalnız bir adamı günahlandırmaq ədalətlidirmi?

İstənilən savadlı insan bilir ki, bankların əsas fəaliyyəti  kredit verilişindən ibarətdir. Bu halda həm də kreditlər problemli hesab olunmurdular.

Onda bəs Cahangirin günahı nədədir?

Axı bütün bu zavod və müəssisələr Azərbaycan torpağında qalacaq.

Bundan başqa, mən həm də bilmək istərdim ki, mənim xaricə çıxışıma icazə verməmək əmrini kim verib? Nə üçün mən Azərbaycan hüdudlarından kənara çıxa bilmirəm? Yalnız buna görə ki, mən Cahangir Hacıyevin bacısıyam? Nə üçün mənə anamızın vəfatından sonra üzərinə həbs qoyulan əmlak üzrə vərəsəlik hüququmdan istifadə etmək imkanı verilmir? Ailəmizin heç bir sənədini təsdiq etməmək kimi məxfi əmri Asan Xidmətə kim verib?

Hansı haqla ABB 2015-ci ilin iyul ayında ailəmizə məxsus səhmlərin alqı-satqısı üzrə sövdələşməni həyata keçirərək bizə bir qəpik də verməmiş və Cahangirin kartoçkasını ödəməmişdir?

Belə çıxır ki, bankın rəhbərliyi bizim vəsaitləri qanunsuz şəkildə mənimsəmişdir.

Bütün bunlara görə kim cavabdehlik daşımalıdır?

Nə üçün bir çox ölkələrdə savadlı maliyyəçi və bankir kimi tanınan və öz ölkəsi qarşısında böyük xidmətləri olan Cahangir, bir qrup insanın fitnəsi ucbatından həbsdə yatmalıdır? Axı o, azadlıqda olsaydı dövlətimizə daha çox xeyir verə bilərdi.

O, işlədiyi bütün illərdə ABB-nin İdarə Heyətinin sədri olaraq dövlətimizə və prezidentə sədaqətli olmuşdur.

Mən əminəm ki, bizim hörmətli cənab prezidentimiz İlham Əliyev bütün bunları araşdıracaq və ədalətli qərar çıxaracaqdır.