Gülalıyevlər polisdən buraxılıblar, lakin müvəqqəti (YENİLƏNİB)

Bu gün “Siyasi məhbuslarsız Azərbaycan” Alyansının koordinatoru və Demokratik Qüvvələrin Milli Şurasının üzvü Oqtay Gülalıyev və iki  oğlu saat 14:30-da Bakı Şəhər Baş Polis İdarəsindən gediblər.

Məlum olub ki, onlar polisə qonşu qadının şikayəti əsasında çağırılıblar. Belə ki, qonşu O.Gülalıyevin oğullarının onun oğlunu döydüyünü bildirib. Lakin üzləşmə zamanı qadın məsələnin belə qoyuluşundan imtina edib və polisin təzyiq göstərməsinə baxmayaraq, Gülalıyevlər ailəsinə qarşı heç bir iddiasının olmaması barədə ərizə yazıb.

Lakin polisdə O.Gülalıyevə bildirilib ki, iş onsuz da məhkəməyə göndəriləcək.

2015 Noyabr 28 (Şəmbə) 12:18:37

Bu gün “Siyasi məhbuslarsız Azərbaycan” Alyansının koordinatoru və Demokratik Qüvvələrin Milli Şurasının üzvü Oqtay Gülalıyev 2 oğlu ilə birlikdə Bakı Şəhər Baş Polis İdarəsinə çağırılıb. Çağırışın səbəbləri açıqlanmayıb.

Bundan öncə O.Gülalıyev oğullarıyla birlikdə bir neçə dəfə polisə çağırılıb.

Hüquq müdafiəçisinin bir oğlu – Əli Gülalıyev 2013-cü il dekabrın 20-də oxuduğu  165 saylı məktəbdə baş vermiş davaya görə ittiham olunub. Bu iş üzrə zərərçəkən, həmin məktəbin şagirdi Bayram Sultanlı şikayətdən  imtina etsə də  oktyabrın 30-da Xətai məhkəməsi Ə.Gülalıyevi xuliqanlıqda təqsirli bilərək 6 ay müddətinə icbari işə (əmək haqqının 15%-i tutulmaqla) məhkum edib.

Sonradan Apellyasiya Məhkəməsi bu qərarı qüvvədə saxlayıb. –06D--