Azərbaycan və Belarus prezidentləri arasında danışıqlar (YENİLƏNİB)
Azərbaycan prezidenti İlham Əliyev Minskə rəsmi səfəri çərçivəsində beraluslu həmkarı Aleksandr Lukaşenko ilə danışıqlar aparıb.
“Bizdə Belarusla əməkdaşlıq məsələləri üzrə heç bir məhdudiyyət yoxdur. Bütün istiqamətlər üzrə çox müsbət dinamika və nəticələr görürük”, - İ.Əliyev A.Lukaşenko ilə görüşündə bildirib, BELTA məlumat yayıb.
O qeyd edib ki, Belarus sürətli iqtisadi artım yolundadır, ölkədə sosial rifah məsələləri fəal şəkildə həllini tapır. “İndi heç bir ölkə üçün asan dövr deyil, bununla belə, Belarus müsbət inkişaf dinamikasını saxlayır, ictimai-siyasi sabitlik təmin olunur. Bizim hamımız iqtisadi böhrana məruz qalmışıq. Buna baxmayaraq, Belaruz bu hala ən az məruz qalan ölkələrdən biridir”, - o vurğulayıb.
İ.Əliyev deyib ki, gələn il A. Lukaşenkonu Azərbaycana rəsmi səfər zamanı yenidən qəbul etməyə çox məmnun olacaq.
“Hər səfər bizim münasibətlərin strateji xarakterinin daha bir təsdiqidir”, - İ.Əliyev bildirib.
Öz növbəsində Belarus prezidenti diqqəti ona yönəldib ki, hətta iqtisadiyyat baxımından ən çətin vaxtlarda belə iki ölkə əmtəə dövriyyəsini əvvəlki səviyyədə saxlayıb. Halbuki, başqa dövlətlərlə ticarət sahəsində xeyli azalma baş verib. “Biz münasibətlərimiz üçün yaxşı fundament yaratmışıq”, - o vurğulayıb.
A.Lukaşenko qeyd edib ki, Belarus və Azərbaycan arasında narahatlıq və qapalı mövzu yoxdur. “Əgər bu, kiminsə xoşuna gəlmirsə onun öz problemidir. Bizdə qadağan olunmuş mövzular yoxdur. Odur ki, siz hər zaman Belarusa arxalana bilərsiniz”, -A. Lukaşenko qeyd edib.-0-
2015 Noyabr 27 (Cümə) 23:32:37
Prezident İlham Əliyevin Belarusa səfəri başlayıb. BELTA-nın məlumatına görə, noyabrın 28-dək davam edəcək səfər proqramına görə, Azərbaycan dövlət başçısının Belarus prezidenti Aleksandr Lukaşenko ilə danışıqları, həmçinin beynəlxalq sənədlərin imzalanması planlaşdırılır.
İ.Əliyevin Minskdə Qələbə abidəsinin önünə əklil qoyacağı, Belarus Dövlət Böyük Vətən Müharibəsi Tarixi Muzeyində olacağı gözlənilir.06D--
-
- İqtisadiyyat
- 28 Noyabr 2015 14:05
-
- Cəmiyyət
- 28 Noyabr 2015 14:56
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz