Ağır Cinayətlərə dair İşlər üzrə Bakı Məhkəməsi bazar ertəsi keçmiş deputat Gülər Əhmədovanı 3 il müddətinə azadlıqdan məhrum edib. O, 178.3.2 (etibardan sui-istifadə yolu ilə böyük ziyan vurmaqla başqasının əmlakına sahib olma) və 307.2-ci (ağır cinayəti gizlətmə) maddələrlə təqsirli bilinib.
Prokuror işdə yüngülləşdirici halların mövcudluğunu nəzərə alaraq, onun 4 il azadlıqdan məhrum edilməsini istəyib.
Qeyd edək ki, 178.3.2-ci maddə üzrə 7 ildən 12 ilədək, 307.2-ci maddə üzrə isə 3 ilədək həbs cəzası nəzərdə tutulur.
Müstəqil ekspertlər qeyd edirlər ki, 178.3.2-ci maddə üzrə, bir qayda olaraq, hakimlər 9-11 il həbs cəzası verir.
Maraqlıdır ki, Əhmədovanın şikayəti ilə guya ondan 10 min manat tələb etmək ittihamı ilə həbs edilmiş “Xural” qəzetinin redaktoru Əvəz Zeynallı 9 il azadlıqdan məhrum edilib.
Xatırladaq ki, Əhmədovanın həbsinə səbəb Beynəlxalq Universitetin keçmiş redaktoru Elşad Abdullayevin yaydığı videolar olub. Gizli kamera ilə çəkilmiş bu kadrlarda Əhmədova və onun əlbiri Babayevanın Abdullayevdən deputat seçilməsi üçün 1 mln. dollar tələb etdiyi görünür. -06D-
2013 Dekabr 02 (Bazar ertəsi) 13:22:02
Dekabrın 2-də Bakı Ağır Cinayətlər Məhkəməsində keçmiş deputat Gülər Əhmədovanın işi üzrə prosesdə müttəhim yekun sözlə çıxış edib. O, məhkəmə zalından prezident İlham Əliyevə müraciət edərək onu mərhəmət göstərməyə çağırıb, himayəsində azyaşlı uşağın, xəstə adamın olmasını, özünün səhhətinin nəzərə alınmasını xahiş edib.
G.Əhmədova həmçinin bildirib ki, o, İ.Əliyevin tanıdığı kimidir və hər zaman Heydər Əliyev kursuna sadiq olub. Onun fikrincə, “bəzi həqiqətlərin üzə çıxarılması üçün vaxt lazımdır”.
Hökmün açıqlanması bu gün saat 15:00-a təyin olunub.
Bundan əvvəl prokuror G.Əhmədovanı 4 il müddətinə azadlıqdan məhrum edilməsini istəyib.
Xatırladaq ki, G.Əhmədova dələduzluq və özgəsinin iri məbləğdə əmlakını mənimsəməkdə, ağır cinayəti gizlətməkdə ittiham olunur. Hər iki maddə üzrə onu əmlakı müsadirə olunmaqla 12 ilədək azadlıqdan məhrumetmə cəzası gözləyir.
Həbsə Beynəlxalq Universitetin rektoru Elşad Abdullayevin yayımladığı video səbəb olub. Gizli kamera ilə çəkilmiş həmin kadrlarda G.Əhmədova və onun əlaltısı S.Babayevanın E.Abdullayevin deputat seçilməsi üçün 1 mln. dollar alması görünür. 06D--
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz