Dövlət başçısı İlham Əliyev bu gün Xalça Muzeyinin yeni binasına baş çəkib və sərgilərin tərtibatının təşkili və muzeyin işi üçün yeni şəraitlə tanış olub.
Qeyd edilib ki, hazırda muzeydə 15 mindən çox nadir eskponat, o cümədən Azərbaycanın aparıcı xalçaçılıq məktəblərinin işləri saxlanılır.
Bundan başqa, muzeyin ekspozisiyasına zərgərlik və metal məmulatlar, bədii naxışlar, parçalar, milli geyim və s. daxildir.
Muzeyin sərgi konsepsiyası adi sərgilərdən fərqlənir. Əsas eksponatlar – xalçalar qövsvari divarlarda asılır və bütün yuxarı mərtəbələrdən görünür. Bunun sayəsində sərginin böyük hissəsini müxtəlif rakurslardan izləmək olur.
Beşmərtəbəli binada iş otaqları, avtomatlaşdırılmış fond-anbar, bərpa edilmiş emalatxanalar, suvenir mağazası, ziyarətçilərlə iş şöbəsi, sərgi meydanı, 120 nəfərlik kafe, təqdimat və mühazirə zalları, interaktiv informasiya sistemi, video və audio təqdimatlar üçün auditoriya və s. var.
Qeyd edək ki, muzeyin rəsmi açılışı hələ olmayıb. Bir sıra mütəxəssislərin fikrincə, yeni muzey üçün yer seçimi - dənizkənarı bulvar – uğursuzdur.
Xalılar rütubətli havaya həssasdır, onların dənizdən 200 metr məsafədə saxlanılması isə heç də yaxşı qərar deyil. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz