Müstəqil jurnalist Gülər Mehdizadənin ölkədən çıxışına qadağa qoyulub. Bu barədə Meydan TV -yə jurnalistin özü məlumat verib. Onun sözlərinə görə, martın 19-da Türkiyəyə gedərkən sərhəddən buraxılmayıb: "Çıxışıma hansı səbəbdən qadağa qoyulduğunu izah etmədilər. Bir müddət öncə də Gürcüstana gedərkən sərhəddən geri qaytarmışdılar. Sonra vergi fəaliyyətimi yoxlamağa başladılar. Əsasən Meydan TV ilə əməkdaşlıq etməyimlə, oradan aldığım pulla maraqlandılar. Bildirdim ki, mən Meydan TV ilə əməkdaşlıq etməmişəm. Yalnız başqa media orqanlarına, şəxsi bloquma yazdığım bir neçə yazı istinadla orada dərc olunub. Bundan başqa, məni heç Meydan TV ilə bağlı istintaqa da çağırmayıblar. Belə olan halda hansı əsasla ölkədın çıxışıma qadağa qoyulub?"
Jurnalist səfərə çıxmazdan öncə Respublika Prokurorluğu ilə əlaqə saxlayıb. Ona "məsələni vergi müfəttişinə deyin, problem olmayacaq" cavabı verilib. Ancaq yenə də sərhəddən buraxılmayıb.
Gülər Mehdizadə əlaqədar qurumlara sorğu göndərdiyini, əgər problemi həll olunmazsa, məhkəməyə üz tutacağını deyir.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz