“Borçalı” İctimai Birliyi çərşənbə günü öz ofisində Gürcüstanda yaşayan azərbaycanlıların Azərbaycanla bağlı miqrasiya problemlərinə dair “dəyirmi masa” keçirib.
Birliyin sədri Zəlimxan Məmmədli bu sahədə Gürcüstan azərbaycanlılarının ciddi problemlər yaşadığını bildirib. Belə ki, qanunlara uyğun ölkədə qalmaq, vətəndaşlıq almaq, işləmək kimi problemlərlə üzləşirlər. Ailə quran şəxslərdən biri Azərbaycan vətəndaşı olduqda ailənin Azərbaycan vətəndaşlığı alması qanunla təsbit edilsə də məmurlar buna əməl etmirlər. Azərbaycanda 5 il yaşamaq izni olan şəxslər bu müddəti başa vurduqdan sonra vətəndaşlıq almalı olduqları halda vətəndaşlıq verilmir. Sadəcə uzun get-gəldən sonra növbəti 5 il yaşamaq izni ala bilirlər. Çox güman ki, Azərbaycan məmurları Gürcüstanda yaşayan azərbaycanlıların kütləvi şəkildə köç edəcəklərindən ehtiyat edirlər.
Azərbaycanda müvəqqəti qalmaq izni 2-3 ayla yekunlaşdırılır. Bu sırada Azərbaycana xaricdən gələn hər hansı əcnəbi ilə azərbaycanlı arasında fərq qoyulmur. Bu, qanundakı boşluq kimi dəyərləndirilib. Gürcüstanda bu problem “soydaşlar haqqında” qanunu qəbulu ilə həll olunub. Azərbaycanda da belə qanunun qəbuluna zərurət var.
Ölkəyə gələn azərbaycanlılar Miqrasiya Xidmətində qeydə alınmadıqları halda 300-400 manat cərimə olunurlar ki, bu da əsassızdır. Əmək miqrantı kimi gələn adamlar üçün isə 1000 manat dövlət rüsumu müəyyən olunması ədalətsizlikdir.
Gürcüstanda iş yerinin olmaması, Azərbaycan-Ermənistan və Gürcüstan-Rusiya münasibətlərinin kəskin olması üzündən bu ölkələrə gedə bilmirlər. Azərbaycanda da ağır şərtlərin qoyulması bu adamları məyusluğa düçar edir. Digər tərəfdən Rusiyaya gedən azərbaycanlıların orada ailə qurmaları və s. məcburən milli assimilyasiyanı gerçəkləşdirir. Ona görə də tədbir iştirakçıları rəsmi Bakını Gürcüstanda yaşayan azərbaycanlılara sahib çıxmağa çağırıb.
Bu problemlərdən irəli gələrək miqrasiya sahəsində qanunvericiliyin təkmilləşdirilməsi, xaricdə olan azərbaycanlıların Azərbaycana gəlişi ilə bağlı istisnaların nəzərdə tutulması və digər təkliflər səsləndirilib.-05C-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz