Avtoritar rejimlər sosial şəbəkələrdən niyə qorxurlar?

Sosial şəbəkələr avtoritar rejimlərə real təhlükə yaradır. Bunu sosial KİV üzrə ekspert Piter Svale “Obyektiv TV”yə  (obyektiv.tv)  müsahibəsində bildirib.

    Hakimiyyət twitter və facebook-da dərc olunan materialların məzmununa təsir göstərə bilmir. Odur ki, ən aktiv istifadəçilərin İnternetdə fəallığını neytrallaşdırmaq üçün onları təqib edir, hətta həbs edirlər.

    Bəzən də elə olur ki, İnternetdə yerləşdirilmiş aktual sosial mövzuda sıravi video siyasi liderin ənənəvi çıxışına güclü təsir göstərir. Bu fonda prezidentlərin nitqi daha az effektiv və həqiqətəuyğun olur.

    Ekspertin fikrincə, ərəb inqilablarından sonra avtoritar rejimlər sosial şəbəkələrə daha ciddi yanaşmağa başlayıblar. Lakin siyasi və iqtisadi islahatlara başlamaq əvəzinə onlar yerli İnternet elitaya nəzarət etməyə, fəalların izlənməsi və onların cəzalandırılması üçün öz adamlarını şəbəkələrə salmağa cəhd göstərirlər. 

    Bu gün Azərbaycan kimi ölkələrdə yüz minlərlə adam, on milyonlarla İran və Çin vətəndaşı digər KİV-dən olduqca effektiv olan sosial şəbəkələrə cəlb olunub. Onlar təkcə passiv dinləyici olmaq imkanları deyil, həm də bilavasitə müzakirə iştirakçısı olmaq imkanları əldə edirlər ki, bu da onların fəallığını xeyli artırır.

    Svalenin fikrincə, hakimiyyətin qeyri-adekvatlığı gələcəkdə kiberməkanda virtual müharibəyə səbəb olacaq. Artıq bu gün dost olmayan dövlətlərin kompüterçiləri arasında qarşıdurmanın, həmçinin  “totalitar” və “demokratik” hakerlər arasında münaqişənin ümumi  mənzərəsi görünməkdədir. -17D-