Gürcüstan gömrükçüləri Azərbaycandan gələn yük maşınında 178 kq heroin aşkar ediblər. Gürcüstanın Gömrük İdarəsinin məlumatına görə, narkotik yük maşınının xüsusi təchiz edilmiş gizli yerində gizlədilib.
Narkotiklər 356 briketdən qablaşdırılıb. Yük İrandan Azərbaycan, Gürcüstan və Ukrayna vasitəsilə Niderlanda daşınırdı.
Yük maşınının kimə məxsus olduğu, sükan arxasında kimin olduğu bildirilmir. DİN istintaqa başlayıb, saxlanılanlar haqqında məlumat verilmir.
Sözügedən marşrut üzrə böyük həcmdə narkotik daşınması çoxdan adi hala çevrilib. Ən çox səs-küyə səbəb olan hadisə iki il əvvəl qeydə alınıb, həmin vaxt Gürcüstan gömrükçüləri Azərbaycandan gələn yük maşınında bir tona yaxın heroin aşkar etmişdi. -02D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz