"Mədəniyyət" TV-də yayımlanan "Haqqın dərgahı" verilişinin aparıcısı "Məşədi Dadaş" məscidinin axundu hacı Şahin Həsənli təyin edilib. Bu barədə məlumatı hacı Şahin Həsənli özü bildirib.
Ş.Həsənli bu vəzifədə Azərbaycanda tanınmış ilahiyyatçı, Bakı Dövlət Universitetinin (BDU) şərqşünaslıq fakültəsinin ərəb filologiyası kafedrasının müdiri, akademik Vasim Məmmədəliyevi əvəz edib: "Bu verilişin aparıcılığından getmək akademik hacı Vasim Məmmədəliyevin öz qərarı olub, verilişi gənc nəslə məxsus din xadiminin aparmasını istədi",- Ş.Həsənli əlavə edib.
O deyib ki, artıq bir verilişə aparıcılıq edib.
Xatırladaq ki, "Haqqın dərgahı" verilişi müstəqilliyin ilk illərindən fəaliyyətə başlayıb, hər həftənin cümə axşamı 15 dəqiqə yayımlanan verilişin müəllifi Arif Teymurov, rejissoru Sevda Abdullayevadır. V.Məmmədəliyev də həmin zamandan bu verilişin aparıcısı idi.
Ş.Həsənli Bakı şəhəri "Məşədi Dadaş" məscidinin axundu, Qafqaz Müsəlmanları İdarəsi sədrinin Bakı şəhəri üzrə səlahiyyətli nümayəndəsidir. --0--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz