Hakim partiyanın üzvü FHN rəhbrindən şikayətlənir

Hakim Yeni Azərbaycan Partiyasının İmişli rayon təşkilatının üzvü Nurəhməd Kazımov prezident İlham Əliyevə açıq məktubla müraciət edərək FHN rəhbəri Kəmaləddin Heydərovdan şikayət edib.

N.Kazımov yazır ki, 2010-cu ilin may-iyun aylarında sel zamanı qrunt sularının qalxması nəticəsində onun evinə ziyan dəyib. 2014- cü il fevralın 10-da baş vermiş zəlzələdən sonra evin bir hissəsi uçaraq yararrsız vəziyyətə düşüb

N.Kazımov Salyan və İmişlidə səyyar görüşlər zamanı FHN rəhbərliyinin qəbuluna düşmək istəyib. İyunun 14-də Salyanda FHN rəhbəri İmişli sakinlərinin qəbulundan imtina edib.

N.Kazımovun sözlərinə görə, yerli məhkəmələr zəlzələdən zərər çəkənlərin şikayətlərinə baxılmasını illərlə yubadır və ya baxmaqdan imtina edirlər.

“Mən təəssüf edirəm ki, Kür daşqınlarının nəticələrinin aradan qaldırılması ilə bağlı sizin 19 may 2010-cu il tarixli, eləcə də Nazirlər Kabinetinin 09 iyul 2010-cu il tarixli 197s saylı sərəncamı kimlərinsə qazanc yerinə çevrildi”, - N.Kazımov yazıb.

N.Kazımov ölkə başçısından onun şikayətinə Ali Məhkəmədə obyektiv baxılmasına yardımçı olmağı xahiş edir. –06D-