TANAP layihəsi üçün boruların 80%-i Türkiyə şirkətləri təmin edəcək
Transanadolu qaz kəmərinin (TANAP) tikintisi çərçivəsində dünən Ankarada 6 Türkiyə və 1 Çin şirkəti ilə saziş imzalanıb.
Boruların tədarükü üzrə tenderin qalibi "Mannesmann-Noksel-Erciyas" şirkətlər konsorsiumu, "Ümran-Emek" şirkətlər konsorsiumu, "Tosçelik Profil və Sac Endüstrisi" şirkəti, habelə Çinin "Baosteel Europe" podratçı şirkəti olub.
İmzalanma mərasimində Türkiyənin Baş naziri Əhməd Davudoğlu, energetika və təbii resurslar naziri Taner Yıldız, Azərbaycanın energetika naziri Natiq Əliyev, Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev iştirak ediblər.
TANAP layihəsində istifadə olunacaq 1 milyon 200 min ton polad boruların 400 min tonluq hissəsinin tədarükünü “Tosçelik” şirkəti həyata keçiriəcək.
“Borusan-Mannesmann”, “Erciyas Boru” və “Noksel Boru”dan ibarət konsorsium 300 min tonluq hissəni, “Ümran Boru və Emek Boru”dan ibarət qrup isə 200 min tonluk hissəni təmin edəcək.
Polad boruların daşınmasının 24 ayda tamamlanması gözlənilir.
TANAP layihəsi Azərbaycanın "Şahdəniz" yatağından qazın Türkiyə ərazisi ilə Avropa sərhədlərinədək nəqlini nəzərdə tutur. Boru kəmərinin ilkin buraxılış gücünün ildə 16 milyard kubmetr olacağı gözlənilir. "Şahdəniz"dən 10 milyard kubmetr həcmində qaz Avropa bazarına, 6 milyard kubmetr isə hər il Türkiyəyə tədarük olunacaq.–12В--
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz