Hakim vəkildən şikayət edib
Bakı/31.08.17/Turan: Şəki Ağır Cinayətlər Məhkəməsinin hakimi Rəşid Hüseynov vəkil Elçin Sadıqovdan Vəkillər Kollegiyasına şikayət edib. Hakim vəkilin özünə də müvafiq məktub göndərib.
"Məktubda bildirilir ki, guya, vəkil müdafiə hüququnun pozuntusu görüntüsü yaratmaqla prosesin gedişatına mane olmağa cəhd edib", - E.Sadıqov bildirib.
Əslində vəkilin və müttəhimin hüquqları pozulub. Qanunvericiliyin tələblərinə zidd olaraq hazırlıq iclası vəkilin iştirakı olmadan keçirilib.
Bundan əlavə, hakim vəkil kimi son olaraq bağladığı 6 hüquqi xidmət müqaviləsi üzrə bilgilərin təqdim olunmasını tələb edib. "Vəkil müqaviləsindəki bilgilər vəkil sirridir. Bunu tələb etmək tamamilə əsassızdır", - E.Sadıqov qeyd edib.
Şəki Ağır Cinayətlər Məhkəməsindən şərh almaq mümkün olmayıb.
Xatırladaq ki, müstəqil jurnalist Elçin İsmayıllı bu fevralın 17-də saxlanıb. Fevralın 18-də Nəsimi Rayon Məhkəməsi onun barəsində 24 günlük həbs qətimkan tədbiri seçib. Sonra həbs müddəti artırılıb.
Jurnalist Cinayət Məcəlləsinin 182-ci (hədə-qorxu yolu ilə pul tələb etmə) və 308-ci (vəzifəsindən sui-istifadə) maddələri ilə ittiham edilir. Bu maddələrlə onu 8 ildən 12 ilədək həbs təhlükəsi gözləyir.
İttihama görə, jurnalist mədəniyyət və turizm şöbəsinin əməkdaşından pul tələb edib. Sonuncu Milli Təhlükəsizlik Nazirliyinə müraciət edib və jurnalisti həbs ediblər.
Vəkilin sözlərinə görə, iş saxtalaşdırılıb. Jurnalist öz peşə fəaliyyətinə görə həbs edilib.
"Elçin və mədəniyyət şöbəsinin adıçəkilən əməkdaşı bir-birini tanıyır. Jurnalist ondan 1000 manat borc pul istəyib. Görüş zamanı pulu alarkən jurnalisti həbs ediblər", - vəkil bildirib.-06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz