Hakimiyyət ATƏT DTİHB-yə əvəz tapıb
Azərbaycanın iki hökumətyönlü qeyri-hökumət təşkilatı 1 noyabr parlament seçkiləri zamanı iki xarici təşkilatla birlikdə exit-poll keçirəcək.
Birincisi Əmək Hüquqları Müdafiə Liqası olacaq ki, Amerikanın AJF&Associates İnc. təşkilatı ilə əməkdaşlıq edəcək.
İkinci QHT Gənclərin Hüquqlarını Müdafiə Mərkəzi olacaq. Qurum Fransanın Opinion Way sosioloji xidmətilə exit-poll keçirəcək.
Müvafiq qərar oktyabrın 20-də Azərbaycan Mərkəzi Seçki Komissiyasında qəbul edilib.
Qeyd edək ki, adı çəkilən QHT-lər bundan öncə seçkilərin monitorinqi və qiymətləndirilməsi ilə məşğul olmayıblar.
Xarici təşkilatlara gəlincə, AJF&Associates İnc. və Opinion Way özlərini yaxşı tanıdıblar. Belə ki, onların Azərbaycanda keçirdikləri sorğuların nəticələrinə görə, ölkə əhalisinin mütləq əksəriyyəti İlham Əliyevin siyasətini dəstəkləyir.
Qeyd edək ki, bundan öncə seçki sahəsində ən nüfuzlu təşkilat - ATƏT DTİHB Azərbaycan hakimiyyətinin onun seçkilərin qiymətləndirilməsi imkanlarını məhdudlaşdırmaq cəhdlərinə görə seçkilərin monitorinqindən imtina edib. Bu, özünü Bakının yetərincə müşahidəçi qəbul etmək istəməməsində özünü göstərib.
Xatırladaq ki, 2013-cü il prezident seçkilərindən sonra Bakıda qalmaqal yaranıb. Belə ki, hökumətyönlü qüvvələr səsvermə zamanı ciddi pozuntuların olduğunu bildirən beynəlxalq müşahidəçilərin mətbuat konfransını pozublar.
Bundan sonra hakimiyyət bəyan edib ki, ATƏT DTİHB öz “qeyri-obyektiv”mövqeyini dəyişməsə bu qurumla əməkdaşlıq etməyəcək.-02В-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz