Oktyabrın 20-də Nərimanov Rayon Məhkəməsi AXCP sədrinin müşaviri Məmməd İbrahimin müdafiə tərəfinin həbsin ev həbsilə əvəzlənməsi barədə vəsatətini təmin etməyib. Məhkəmə fəalı həbsdə saxlayıb. Bu barədə Turan-a M.İbrahimin vəkili Yalçın İmanov bildirib.
Onun sözlərinə görə, həbsin ev həbsilə əvəzlənməsini xahiş etmək üçün müdafiə tərəfinin kifayət qədər əsası var. Məsələ bundadır ki, M.İbrahimə qarşı 221.1 (xuliqanlıq) maddə ilə ittiham irəli sürülüb. Bu, 1 ilədək azadlıqdan məhrumolunma şəklində maksimum cəza nəzərdə tutur. Lakin istintaq M.İbrahimin hərəkətlərinə heç bir sübut göstərməyib.
Oktyabrın 20-da məhkəmə iclasında müstəntiq bildirib ki, ittiham 221.2.2 maddəsinə tövsif edilib ki, bu da ictimai asayişi təmin edən şəxsə qarşı müqavimət göstərilməsilə xuliqanlıq törədilməsinə görə məsuliyyət nəzərdə tutur. Bu maddə üzrə 3 ildən 5 ilədək həbs cəzası nəzərdə tutulur. Müstəntiq deyib ki, M.İbrahim guya ictimai asyişi qoruyan Oruc adlı şəxsə müqavimət göstərib.
Vəkil diqqəti ona yönəldib ki, bundan əvvəl istintaq bu epizod barəsində heç bir şey bildirməmişdi.
Y.İmanov bunu istintaqın müstəqil olmaması kimi qiymətləndirib.
Müdafiə tərəfi Nərimanov Rayon Məhkəməsinin qərarından apellyasiya şikayəti vermək niyyətindədir.
M.İbrahimin məsuliyyətə cəlb olunmasına Mikayıl Quliyevin şikayəti səbəb olub. Belə ki, M.Quliyev AXCP sədrinin keçmiş müavini Razi Nurullayevin rəhbərlik etdiyi qrupun tərkibində partiya sıralarını tərk edib. Sentyabrın 29-da M.İbrahimlə M.Quliyevin arasında baş verən münaqişə zamanı sonuncunun köynəyi cırılıb. AXCP hesab edir ki, bu, M.İbrahimə qarşı təxribatdır. Məqsəd partiyanı gözdən salmaqdır və hakimiyyət bundan ötrü AXCP-ni tərk edən həmin qrupdan istifadə edir.—06B--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz