Bakı/15.11.17/Turan: Bakı Şəhər İcra Hakimiyyəti "Praktik Hüquqşünaslar Qrupu"nun (PHQ) noyabrın 18-də Yasamal rayon stadionunda təyin etdiyi mitinqə icazə verməyib.
Aksiya məhkəmələrdə nümayəndəlik institutunun məhdudlaşdırılması haqda düzəlişlərə etiraz olaraq keçirilməliydi.
PHQ-nin üzvü Xalid Bağırov Turan-a bildirib ki, şəhər hakimiyyəti imtinanı onunla izah edib ki, təşkilatçılar mitinq iştirakçılarının dəqiq sayını göstərməyiblər.
Müraciətdə aksiyada 500-dən 5000 nəfərədək adamın iştirak edəcəyi göstərilib ki, guya bu, iştirakçıların təhlükəsizliyini təmin etmək üçün tədbirlərin görülməsində çətinlik yaradıb.
X.Bağırov şəhər administrasiyasının göstərdiyi səbəbləri uydurma adlandırıb.
Onun sözlərinə görə, bu məsələ həll olunmayan problem deyil və İcra Hakimiyyəti ilə razılaşdırmaq olardı.
Odur ki, X.Bağırov Bakı meriyasının cavabını qanunazidd hesab edir.
Hüquqşünas Samirə Ağayeva meriyanın cavabının mətnini açıqlayıb və orada deyilir ki, düzəlişlər prezident tərəfindən təsdiqlənib və buna görə şəhər hakimiyyəti qanunvericiliyə yeni dəyişiklikləri "məqsədəuyğun" hesab etmir.
Xatırladaq ki, Ali Məhkəmənin təşəbbüsü ilə oktyabrın 31-də Milli Məclis "Vəkillik haqqında" qanuna, Mülki-Prosessual Məcəllə və İnzibati- Prosessual Məcəlləyə düzəlişlər edib.
Dövlət başçısı nümayəndəlik institutunu məhdudlaşdıran bu dəyişiklikləri təsdiqləyib. Bundan sonra mülki və inzibati işlər üzrə məhkəmələrdə fiziki şəxslər ancaq peşəkar vəkillər ilə - Vəkillər Kollegiyasının üzvləri ilə təmsil oluna bilər. Yaxın qohumlar istisna olmaqla, digər nümayəndələr iştirak edə bilməz.
Mülki və inzibati işlər üzrə məhkəmələrdə hüquqi şəxsləri onların ştatlı əməkdaşları təmsil edə bilər.
Yeniliklər 2018-ci il yanvarın 1-dən qüvvəyə minəcək.
Ölkənin tanınmış hüquqşünaslarını birləşdirən "Praktik Hüquqşünaslar Qrupu" bu düzəlişlərə etiraz olaraq noyabrın 18-nə mitinq təyin edib. Onların fikrincə, bu, ölkədə vəkillərin sayının çox az olduğu bir şəraitdə vətəndaşları hüquqi müdafiəsiz qoyacaq. Digər tərəfdən, subyektiv səbəblərdən Vəkillər Kollegiyasına qəbul edilməyən hüquqşünasların bir çoxu müdafiə prosesindən kənarda qalacaq.06B-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz