Hakimiyyət Müşfiqin abidəsinin sökülməsinə görə "təqsirkarı" tapıb

Dahi Azərbaycan şairi Mikayıl Müşfiqin abidəsinin sökülməsinə görə "Azəravtoyol" ASC-nin bir neçə işçisi cəzalandırılıb. "Azəravtoyol" mətbuat xidmətinin rəisi Anar Nəcəflinin verdiyi məlumata görə, 8 nömrəli "Xüsusi təyinatlı yol istismarı" MMC-nin iş icraçısı "rəhbərliyə məlumat vermədən abidəni söküb".

Bu səbəbdən iş icraçısı Ramiz Rəhimov tutduğu vəzifədən azad edilib və işdən kənarlaşdırılıb. MMC direktoru Əliqeybət Şirinova xəbərdarlıq edilib, baş mühəndis Yuris Hüseynova isə ciddi töhmət verilib.

"Azəravtoyol" ASC Müşfiqin abidəsinin sökülməsi haqqında ictimaiyyətə və KİV-də gec məlumat verdiyinə görə üzr istəyir.

Qeyd edək ki, Müşfiqin abidəsinin sökülməsi sosial şəbəkələrdə narazılığa səbəb olub. Bu zaman mədəniyyət abidələrinin qorunmasına görə məsuliyyət daşıyan bütün dövlət orqanları Azərbaycan prezidentinin baldızı Nərgiz Paşayeva, daha sonra isə İlham Əliyevin özü bunu pisləyərək qədər susurdular.

"Azəravtoyol"un bu hərəkətindən sonra Mədəniyyət və Ekologiya nazirlikləri də tənqid olunub (abadlaşdırma zamanı nadir ağac növlərinin "kəsilməsinə" görə).

Qeyd edək ki, bu ərazinin və bağın yenidənqurması dövlət başçısı tərəfindən təsdiq olunmuş keçmiş Sovetski küçəsinin abadlaşdırılması planında nəzərdə tutulub. Amma həmişə olduğu kimi, başda icra hakimi olmaqla, şəhər hakimiyyəti hörmətsizlik edib və öz işini insan kimi yerinə yetirməyi lazım bilməyib. Əvəzində, onlar növbəti dəfə sudan quru çıxmağı bacarıb. -06D-