Sumqayıt məhkəməsi jurnalisti azad edib

Sumqayıt Şəhər Məhkəməsinin 25.11.2016-cı il tarixli hökmü ilə CM-nin 147.2-ci maddəsilə təqsirli bilinərək hər ikisi bir il müddətinə azadlıqdan məhrum etmə cəzasına məhkum edilmiş jurnalist İkram Rafiqoğlu və Rəhman Novruzov barəsindəki hökmü bu gün Sumqayıt Apellyasiya Məhkəməsinin qərarı dəyişdirib.

Bu barədə vəkil Elçin Sadıqov  bildirib.

Vəkilin sözlərinə görə, onlara 9 ay islah işləri cəzası təyin edilib. Təyin edilmiş islah işləri cəzası həbsdə qaldıqları 3 ay 14 gün azadlıqdan məhrumetmə cəzası ilə əvəz edilərək, cəzalarını tam icra etdiklərinə görə məhkəmə zalından həbsdən azad ediliblər.

E.Sadıqov qərardan kassasiya şikayəti verəcəyini, təmin olunmayacağı təqdirdə Avropa Məhkəməsinə konvensiyanın 6-cı (azadlıq və şəxsi toxunulmazlıq hüququ) və 10-cu (ifadə azadlığı) maddələri ilə şikayət edəcəyini açıqlayıb. 

Xatırladaq ki, iddia üçün Rəhimovun "Hürriyyət" qəzetində "Ucuz market" ticarət şəbəkəsinin sahibi Vüqar Qələndərovu Sumqayıt icra hakimiyyətinin başçısı Zakir Fərəcova rüşvət verməkdə ittiham etdiyi məqaləsi əsas olub. 

Vəkil qeyd edib ki, müvəkkili Sumqayıt polis idarəsinə aparılıb və işgəncə altında videokamera qarşısında şəhər merindən üzr istəməyi tələb ediblər. -16B06-