![Hakimiyyət ölkə boyunca İnternetin kəsilməsinin səbəblərini açıqlaya bilmir](https://turan.az/resized/750/500/resize/media/2015/main/111700136712.jpg)
Hakimiyyət ölkə boyunca İnternetin kəsilməsinin səbəblərini açıqlaya bilmir
“İnternet Forum” İctimai Birliyi bildirib ki, noyabrın 16-da bütün ölkə ərazisində İnternet təchizatı sahəsində ciddi problemin olması ölkənin informasiya təhlükəsizliyi üçün ciddi təhlükədir.
Forumun bəyanatında deyilir ki, baş verən hadisə onu göstərir ki, atılan addımlar yetərli deyil və ölkənin informasiya təhlükəsizliyi məsələsinə daha konseptual yanaşmaq vacibdir.
“ Hökumət baş verənlərin təkrarlanmaması üçün dərhal ciddi tədbirlər görməli, bu sahədə rəqabətli mühitin, alternativlər üzərində infrastrukturun formalaşması üçün tədbirlər görməlidir. İnformasiya təhlükəsizliyi milli təhlükəsizliyin əsas tərkib hissəsidir”, - sənəddə qeyd olunur.
“İnternet Forum” bu kimi halların bir daha təkrarlanmaması üçün ən qısa 2-ci səviyyəli provayderlərin, daimi onlayn əlaqənin əhəmiyyətli olduğu qurumların da informasiya şəbəkəsinin alternativlər üzərində qurulmasının vacib olduğunu diqqətə çatdırır.
Qeyd edək ki, indiyədək hakimiyyət qəzanın səbəbləri və miqyası barədə açıqlama verməyib. DİN və FHN-in məlumatlarında Delta-Telekom-un texniki mərkəzində yanğınla bağlı xatırlatma yoxdur.
Rabitə və yüksək texnologiyalar nazirinin vəzifəsini icra edən İltimas Məmmədov isə gülünc bəyanat verərək Azərbaycanda İnternetlə bağlı problemin olmadığını bildirib.
Eyni zamanda çoxsaylı dövlət və kommersiya qurumları ciddi problemlərin, xüsusən ödəniş sistemlərində problemlərin olduğunu bildiriblər ki, bu da müştərilərin pullarının itirilməsinə səbəb olub.
Güc qurumlarındakı məlumatlı mənbələr isə terror aktı versiyasını istisna etmirlər.16D-
-
- İqtisadiyyat
- 17 Noyabr 2015 14:04
-
- Cəmiyyət
- 17 Noyabr 2015 14:24
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz