Dini nümayəndə heyəti İsveçə yola düşüb

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə noyabrın 17-də İsveç Krallığına səfərə yola düşüb. Bu haqda Turana QMİ-dən məlum olub.

Səfərdə məqsəd Bakı Beynəlxalq Multikulturalizm Mərkəzi, Azərbaycan Respublikasının İsveç Krallığındakı səfirliyi və İsveç Krallığı Təhlükəsizlik və İnkişaf Siyasəti İnstitutunun (İSDP) noyabrın 18-19-da Stokholmda keçirəcəyi “Multikulturalizm və dinlərarası tolerantlıq: Azərbaycan təcrübəsi və Avropa üçün əhəmiyyəti“ mövzusunda elmi konfransda iştirak etməkdir.

A. Paşazadənin rəhbərlik etdiyi nümayəndə heyətinin tərkibinə Rus Pravoslav Kilsəsinin Bakı və Azərbaycan Yeparxiyası Arxiyepiskopu arxiyepiskop Aleksandr İşein, Roma Katolik Kilsəsinin Azərbaycandakı Apostol Prefekturasının ordinarisi Vladimir Fekete, Azərbaycan Dağ Yəhudiləri Dini İcmasının rəhbəri Milix Yevdayev, Avropa Yəhudilərinin Bakı Dini İcmasının sədri Gennadiy Zelmanoviç daxildir.

Millətlərarası, multikulturalizm və dini məsələlər üzrə dövlət müşaviri Kamal Abdullayevin də iştirak etdiyi Konfransda “Dinlərarası tolerantlığın Azərbaycan modeli”, “Multikulturalizmin Azərbaycan və İsveç modelləri: müqayisəli təhlil” mövzularında panel iclaslarının keçirilməsi gözlənilir.

QMİ sədri A. Paşazadənin konfransda məruzə ilə çıxış etməsi, səfər çərçivəsində İsveç Krallığı rəsmiləri və din xadimləri ilə görüşləri nəzərdə tutulur.-05D-

Rəy yaz

Cəmiyyət

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti