Dekabrın 29-da Bakıda Fəvvarələr Meydanında etiraz aksiyasında iştiraka görə inzibati qaydada həbs edilmiş altı gənc fəal yanvarın 7-də həbs qərarından şikayət verəcəklər. Şikayətlərə üç gün ərzində baxılmalıdır, bu barədə Turan-a həbs edilənlərin maraqlarını müdafiə edən vəkil Nemət Kərimli bildirib.
Bu gün o, Binəqədi rayon istintaq təcridxanasında müvəkkillərinə baş çəkib.
Vəkilin sözlərinə görə, gənclərin vəziyyəti qənaətbəxşdir. Lakin dünən Samir Poladovun ürəyi pis olub və iki dəfə “təcili yardım” çağırıblar. Həm də ikinci dəfə onu şəhər kliniki mərkəzinə (keçmiş Semaşko adına xəstəxana) aparılıb, daha sonra təcridxanaya qaytarıblar.
Vəkil bildirib ki, gənclər əvvəlki kimi təcridxanada qidanın keyfiyyətindən şikayət ediblər.
Qeyd edək ki, gənclər əvvəllər təcridxanada davranış və şəraitin pis olmasına qarşı etiraz əlaməti olaraq aclıq aksiyası keçiriblər. Onlardan biri – Orxan Eyyubzadə bir gün ərzində qandalla soyuq radiatora bağlayıblar. Bundan əvvəl isə Səbail rayon polis bölməsində döyüblər.
Xatırladaq ki, dekabrın 29-da etiraz aksiyası Qarabağ əlili Zaur Həsənovu intihara sövq edən məmur özbaşınalığı ilə əlaqədar keçirilib. -06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz