Həbs edilmiş jurnalistin 6 saytı bloklandı
Bakı/02.11.18/Turan: Oktyabrın 26-da Dövlət Təhlükəsizlik Xidməti tərəfindən tutulan jurnalist Ikram Rəhimovun sahibi olduğu 6 sayta ölkə daxilindən giriş bloklanıb.
Bu haqda Turan-a saytın əməkdaşları bildiriblər.
Onların məlumatına görə, saytlara giriş noyabrın 1-dən blok edilib. Saytların bloklanması barədə hər hansı rəsmi məlumat yayılmayıb.
İ.Rəhimovun sahibi olduğu 6 sayt daha əvvəl də məhkəmə qərarı olmadan blok edilmişdi. Söhbət realliq.info, realliq.az, realliqinfo.org, realinfo.az, realliqinfo.com və realliqinfo.az saytlarından gedir. Bir neçə həftə əvvəl həmin saytlara tətbiq edilən blok götürülmüşdü.
Oktyabrın sonunda İ.Rahimov açıqlamışdı ki, Prezident Administrasiyasının ictimai-siyasi şöbəsində qəbul edildikdən sonra blok qaldırılıb.
İ.Rəhimov oktyabrın 26-da Dövlət Təhlükəsizlik Xidməti tərəfindən tutulub. O tutulmamışdan əvvəl Prezident Administrasiyasının yüksək vəzifəli şəxsini tənqid etdiyinə görə izlənildiyini və təqib edildiyini bildirib.
Dövlət Təhlükəsizlik Xidmətinin ictimai əlaqələr şöbəsinin onun saxlanılması ilə bağlı məlumatında İkram Rəhimovun tabeçiliyində olan şəxslərlə birlikdə başqalarından pul tələb etdiyi iddia olunur.
"Məhkəmə qərarı əsasında aparılmış əməliyyat tədbirləri ilə İkram Rəhimovun əlaqədə olduğu şəxslərlə birgə törətdiyi həmin silsilə cinayət əməlləri müfəssəl qeydə alınıb. İkram Rəhimov 2018-ci il oktyabrın 26-da Azərbaycan Cinayət Məcəlləsinin 182.2.1-ci və 182.2.2-ci maddələri üzrə (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) cinayət əməllərində şübhəli şəxs kimi saxlanılaraq, cinayət məsuliyyətinə cəlb edilib", məlumatda qeyd edilir.
İ.Rəhimov isə ittihamları rədd edib, yazılarına görə həbs edildiyini açıqlayıb.
İ.Rəhimov 2016-cı ildə böhtana görə 1 illiyə azadlıqdan məhrum edilmiş, daha sonar vaxtından əvvəl azadlığa buraxılmışdı.-0-
Cəmiyyət
-
Sentyabrın 29-da Bakıda və Abşeron yarımadasında havanın dəyişkən buludlu, əsasən yağıntısız olacağı gözlənilir. Şimal-şərq küləyi əsəcək.
-
Abşeron rayonunun Saray qəsəbəsi ərazisində silah və hərbi sursatlar aşkar edilib. Bu barədə Fövqəladə Hallar Nazirliyi bildirib. Nazirliyin Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
Rəy yaz