Həbs edilmiş müxalifətçinin yanına vəkil buraxmırlar
AXCP Sumqayıt Gənclər Təşkilatının sədri Ruslan Qarayevin hüquqlarını müdafiə edən vəkil Əsabəli Mustafayevin müvəkkili ilə görüşməsinə yenə icazə verilməyib.
Vəkil bildirib ki, iyulun 30-da o, saatlarla Sumqayıt polis idarəsinin binası qarşısında dayanmaq məcburiyyətində qalıb.
"Bununla artıq dördüncü dəfədir ki, Ruslan Qarayevlə görüşməyimə icazə vermirlər. Sonuncu dəfə iyulun 25-də onunla görüşməyimə icazə veriblər. Amma vəkilin müvəkkili ilə görüşü üçün rəsmi icazə lazım deyil. 102 xidmətinə də, ombudsman aparatına da zəng etmişəm, amma hamısı nəticəsiz qalıb", deyə vəkil bildirib. O qeyd edib ki, zəruri tədbirləri görmək məcburiyyətindədir.
Öz növbəsində, DİN-dən bu məsələ ilə bağlı şərh verməkdən yayınırlar, yalnız məsələyə baxılacağını bildirirlər. Ombudsman aparatından da eyni cavab verilib.
Ruslan Qarayev iyulun 20-də saxlanılıb və 20 gün inzibati həbs cəzasına məhkum edilib. AXCP rəhbərliyi Qarayevin həbsinin sifarişli xarakterli olduğundan əmindir.
Hazırda 10-dan çox AXCP üzvü həbsdədir. Buna baxmayaraq, Azərbaycan rəsmiləri ölkədə siyasi məhbus olmadığını iddia edirlər. -0-
-
- İqtisadiyyat
- 1 Avqust 2016 16:33
-
- Siyasət
- 1 Avqust 2016 16:40
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 201
Rəy yaz