Həbs olunan fəal şəxsi əşyalarının qaytarılmasını tələb edir
III Respublika Platforması Qurucu Heyətinin və NİDA Vətəndaş Hərəkatının üzvü Araz Əliyev elektron cihazlar və şəxsi əşyalarının qaytarılmadığını bildirir.
Araz Əliyev bildirib ki, ötən il dekabrın 23-də gəbs olunarkən onun üzərində olan elektron cihazlar (noutbuk, makbuk və mobil telefonu), o cümlədən bank və iş kartları, evin açarlarına qədər hər şey çantası ilə bərabər götürülüb. "1 aydan çoxdur ki, əşyalarımla bağlı hər hansı məlumat ala bilməmişəm. Onların harada olduğundan və hansı məqsədlər üçün istifadə edildiyindən xəbərsizəm",- o, Turan-ın müxbirilə söhbətində deyib.
Araz Əliyev deyib ki, yanvarın 26-da ondan götürülmüş əşyaların qaytarılması tələbilə Daxili İşlər Nazirliyinə rəsmi müraciət edib.
"III Respublika Platforması"nın üzvü Araz Əliyev saxlanılarkən ondan götürülən iki noutbukdan biri bu qurumun rəhbəri Akif Qurbanova məxsus olub. Bu barədə o, Facebook-da yazıb.
“23 dekabr 2023-cü il tarixində nahar etdiyim kafedə izlənməyimə dair məlumatı dostlarla bölüşəndən sonra Araz Əliyev ofisdən çıxarkən öz çantası ilə birlikdə mənə məxsus çantanı da götürdü”, - Qurbanov qeyd edib.
“1 aydan çoxdur ki, götürülən əşyalarla bağlı hər hansı məlumat ala bilməmişik Araz Əliyevin vəkili də hüquq- mühafizə orqanlarına və məhkəməyə müraciət edib”, - Qurbanov bildirib.
Həbs zamanı Əliyevdən tələb ediblər ki, Qurbanovun kompüterini açsın. “Onun mənim şifrəmi bilməməsi, həm də kompüterin "Macbook" markası olması açılmasını mümkünsüz edib. Bundan sonra mənim əleyhimə ifadələr almağa çalışıblar ki, “mən üzərimdə valyuta gəzdirirəm və o dəfələrlə valyuta dəyişdirdiyimin şahidi olub”, - Qurbanov qeyd edib.
O, Daxili İşlər Nazirliyini bu məsələyə öz münasibətini bildirməyə çağırıb. “Hər hansı ittihamları varsa, buyurub addımlarını atsınlar, yoxdursa, götürülən əşyaların qaytarılmasına dair müvafiq tədbir görsünlər”, - Akif Qurbanov deyib.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz