Bakı/10.08.18/Turan: AXCP Gənclər Komitəsinin sədri, həbsdə olan Ruslan Nəsirli ailəsilə görüşmək və telefonla danışmaq hüququnun pozulmasına görə Kürdəxanı təcridxanasını məhkəməyə verib.
Onun doğmaları Turan-a bildiriblər ki, mayın 25-də Ruslan həbs edildikdən sonra onunla nə danışa biliblər, nə də görüşə.
R.Nəsirlinin vəkili Fariz Namazlı təcridxana rəhbərliyinə müraciət edib, lakin ona bildiriblər ki, qadağa istintaq orqanı tərəfindən tətbiq olunub.
Baş Prokurorluğun Ağır Cinayətlərə dair İşlər üzrə İstintaq İdarəsindən isə bildirilib ki, onlar heç bir məhdudiyyət tətbiq etməyiblər.
* Mayın 25-də AXCP fəalları Ruslan Nəsirli, Aqil Məhərrəmov və Babək Həsənov saxlanılıb. AXCP funksionerləri və mayın əvvəlində həbs edilmiş Gədəbəy rayonunun keçmiş icra başçısı Saleh Rüstəmli çirkli pulların yuyulmasında ittiham olunurlar.
Onlar hüquq müdafiçiləri tərəfindən siyasi məhbus kimi tanınıblar.06B-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz