Bakı/01.08.18/Turan: Bu gün məşhur hüquqşünas, "Viza" firmasının rəhbəri Aslan İsmayılovun işi üzrə məhkəmə təhqiqatı avqustun 16-na qədər təxirə salınıb.
İsmayılov 16 oktyabr 2017-ci il tarixində polis tərəfindən açılmış cinayət işi çərçivəsində Binəqədi rayon məhkəməsinin hakimi Rəşad Əliyevin şikayəti əsasında CM-in 221-ci (xuliqanlıq) maddəsi ilə ittiham olunur.
Rəşad Əliyev iddia edir ki, məhkəmənin 2 oktyabr tarixli iclasında İsmayılov xuliqanlıq hərəkətləri edib.
İsmayılov xuliqanlığı inkar edir və iddiaçını və polisi işi saxtalaşdırmaqda ittiham edir.
Xüsusən, o iddia edir ki, yalnız məhkəmə zalında da deyil, öz kabinetində, cavabdehin iştirakı olmadan məhkəmənin ona qarşı mülki iş üzrə qərarından narazılığını dilə gətirib.
Bugünki iclasda İsmayılov Binəqədi rayon məhkəməsinin bütün heyətinə etiraz edib, bunu bu məhkəmənin elə həmin məhkəmənin hakiminin şikayəti əsasında açılmış işə qərəzsiz baxa bilməyəcəyi ilə əsaslandırıb. Amma etiraz təmin edilməyib.
Bundan sonra İsmayılov bildirib ki, BMT Nizamnaməsinin özbaşınalığa qarşı üsyan etmək hüququnu tanıyan 48-ci maddəsinə əsasən, o, etiraz edir və prosesdə iştirakdan imtina edir. Amma məhkəmə icraçıları onun yolunu kəsiblər.
Bundan sonra hakim təhqiqatın avqustun 15-nə keçirildiyini elan edib.
İsmayılov bildirib ki, bu, siyasi prosesdir, sifarişçiləri isə prezidentin köməkçisi Əli Həsənov və ədliyyə naziri Fikrət Məmmədovdur. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz