Bakı/24.09.16/Turan: Bu ilin iyununda həbs olunmuş Jam.az qəzetinin redaktoru Fikrət Fərəməzoğlunun həyat yoldaşı Faiqə Nosreti Aİ-nin Bakıdakı nümayəndəliyinin rəhbəri Malena Mard və missiyanın digər əməkdaşları, həmçinin Bakıda səfərdə olan BMT İnsan Hüquqları Bürosunun əməkdaşı Cəmşid Qazıyevlə görüşüb. Bu barədə Turan-a hüquq müdafiəçisi Oqtay Gülalıyev məlumat verib.
Nosreti bildirib ki, onun həyat yoldaşı DİN Baş Mütəşəkkil Cinayətkarlıqla Mübarizə İdarəsində işgəncələrə məruz qalıb.
F.Nosreti Cənubi Azərbaycandan (İran) olan mühacirdir. 2004-cü ildən Azərbaycanda yaşayır. Ərinə qarşı işgəncələr barədə açıqlama verdikdən sonra Miqrasiya İdarəsindən ona telefon edərək yaşadığı yer, nə işlə məşğul olması haqda maraqlanıblar.
F.Nosreti bildirib ki, onun həyat yoldaşından etirafedici ifadələr almaq məqsədilə BMCQMİ-də işgəncə veriblər və işgəncə altında apellyasiya şikayətindən imtina etməsini tələb ediblər.
Gənc qadın onu deportasiya təhlükəsinin gözlədiyini düşünür, O.Gülalıyev qeyd edib.—06D--
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz