Həbsdə olan jurnalist Seymur Həzinin səhhəti ilə bağlı ciddi problemləri olmasına baxmayaraq, o, həbsxana xəstəxanasına köçürülmür. Bu barədə onun həyat yoldaşı Nigar Həzi bildirib. Onun sözlərinə görə, jurnalistin revmatizm ağrıları güclənib. Amma 17 saylı cəzaçəkmə müəssisəsinin rəhbərliyi onu müayinə üçün Ədliyyə Nazirliyinin Müalicə Müəssisəsinə köçürmür. Həyat yoldaşı mümkün nəticələrə görə məsuliyyəti hakimiyyətin üzərinə qoyub.
Öz növbəsində, Penitensiar Xidmətdən şərh üçün Ədliyyə Nazirliyinin Tibb Müəssisəsinə müraciət etməyi tövsiyə ediblər. Tibb İdarəsinin nümayəndələrinin şərh verməyə imkanları olmayıb.
S.Həzi 2014-cü ilin avqustunda xuliqanlıq ittihamı ilə həbs olunub və 5 il azadlıqdan məhrumetmə cəzasına məhkum edilib. Amma həbsin əsl səbəbi onun hökumətin siyasətini kəskin tənqid etməsi olub.
"Amnesty International" S.Həzini "vicdan məhbusu" kimi tanıyıb. -06D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz