Həbsxanada 7 iynə və metal udan şəxs müalicə tələb edir

Bakı/01.06.21/Turan: Bakının Böyükşor qəsəbəsində yerləşən 1 saylı Cəzaçəkmə Müəssisəsində cəza çəkən Elnur İsmayılov 7 ədəd iynə və dəmir parşaları udduğunu bildirib.

İsmayılovun Turan Agentliyinə ünvanladığı məktubda səhhətinin agır vəziyyyətə düşdüyünü və Ədliyyə Nazirliyin onun səhhətinə biganə olmasından şikayət edir.

Elnur İsmayılov 2020 il martın 24-də Ədliyyə Nazirliynin Müalicə Mərkəzinə köcürülüb, orada müayinə olunub.

Mayın 9-da həkim ona müalicə təyin edib. Amma, İsmayılov yazır ki,  baş tibb bacısı yazılan kursa əməl etməyib. O baş həkimə şikayət edib, yenə xeyri olmayıb və mayın 14-də Elnur metalldan olan iynələri X vəziyyətdə biri-birinə baglayaraq 7 ədədini udub.

Onu mədəsindəki iynələrlə baglı yenıdən Müalicə Mərkəzinə qaytarırlar. Sonra İsmayılov tərəfindən dəmir parcaları udmaq halı olur. Buna baxayaraq o müalicədən sonra cəza cəkmə müəssisəsinə qaytarılır.

İsmayılov hesab edir ki onu səhhətinə görə uzun müddət baglı xəstəxanada müalicə etməlidirlər.

“Baş həkim Nicat Cəlilov Müalicə Mərkəzini özü istədiyi kimi idarə etməsinə görə xəstə məhkumlar diqqətsiz qalırlar, yerdə yatırlar, korrupsiya halları baş verir,” o qeyd edir.

İsmayilov ombudsmen və başqa instansiyalara şikayət məktubları yazır, amma xeyri olmayır. Onu istədiyi kimi müalicə etmirlər.

Ədliyyə Nazirliyin Tibbi Baş İdarəsinin rəis müavini İftixar Qurbanov Turana bildirib ki, Elnur İsmayilovu tanıyır.

“O dəri-zöhrəvi xəstə olmasına görə dəfələrlə Müalicə Mərkəzində müalicə olunub. Həbsxana şəraitində də ambulator müalicə alır.”

İsmayılovun iynələri udmasını Qurbanov onun Müalicə Mərkəzində uzun müddət qalmaq istəyilə izah edib.

“O belə üsülla həkimlərə təziq edir.”

Qurbanov İsmayılovun COVİD-19 infeksiyası ilə baglı da  bir müddət Müalicə Mərkəzində qalmasını yada salıb.

Rəis müavini məhkumun iradlarının əsassız oldugunu deyib. -0-