Açiq mənbələrdən foto.
Bakı/01.09.23/Turan: Sentyabrın 2-si Bakıda və Abşeronda hava tutqun olacaq, səhər və axşam yağış yağacağı, şimşək çaxacağı ehtimalı var. Xəbəri Ekologiya Nazirliyinin sinoptikləri verib.
Havanın temperaturu gecə 20-23, gündüz 27-31 dərəcə təşkil edəcək.
Ölkənin şimal və qərb rayonlarında yağış yağacağı gözlənilir. Bəzi yerlərdə yağıntının leysan xarakterli olacağı, şimşək çaxacağı, dolu düşəcəyi gözlənilir. Güclü şərq küləyi əsəcək.
Aran rayonlarında havanın temperaturu gecə 17-22, gündüz 30-35 dərəcə, dağlarda gecə 8-13, gündüz 14-19 dərəcə təşkil edəcək.
Növbəti iki gündə ölkənin şimal bölgəsində intensiv yağış yağacaq, 20-25 m/san gücündə külək əsəcək.
Bir sıra dağlıq çaylarda Katexçay, Kürmükçay (Balakən-Şəki), Göyçay, Girdimançay (Oğuz-Qəbələ), Vəlvələçay və Quba-Qusar bölgəsinin digər çaylarından qısamüddətli daşqın və sel keçəcəyi ehtimal olunur. 0
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz