Media icmalı – 31.08.2023

Ölkədə Allahşükür Paşazadənin erməni kilsələri barədə fikirləri, Azərbaycan XİN-in verdiyi açıqlama, gecikən marşurutlar bu gün ( 31.08.2023) üçün əsas müzakirə olunan mövzulardandır.

“525-ci qəzet” saytında yayımlanan “"Erməni kilsəsi bölgədə revanşizmi körükləmək yönündə fəal iş aparır" - Allahşükür Paşazadə” sərlövhəli yazıda Allahşükür Paşazadənin Mixail Yevdikimovla görüşündə müzakirə etdiyi mövzular qeyd olunub. Müəllifin sözlərinə görə Şeyxülislam A.Paşazadə Qafqaz Müsəlmanları İdarəsi ilə Rus Pravoslav Kilsəsi arasında səmərəli dinlərarası əməkdaşlıq əlaqələrinin mövcudluğundan məmnunluğunu qeyd edib. Müəllif qeyd edib ki, dini liderlərin sülh yönündə səylərinin davam etdirilməsinin mühümlüyünə vurğu edən Şeyxülislam təəssüflə qeyd edib ki, erməni kilsəsi bölgədə sülhün bərqərarı istiqamətində deyil, revanşizmi körükləmək yönündə fəal iş aparır, antiazərbaycan kampaniyasının önündə gedərək beynəlxalq dini platformalardan sui-istifadə edir.

Bizim yol saytında yayımlanan “Paşinyanın iddiaları siyasi manipulyasiyadan başqa bir şey deyil”  yazıda Azərbaycan XİN-in verdiyi açıqlama qeyd olunub. Müəllifin sözlərinə görə Azərbaycan XİN qeyd edib ki, Azərbaycan Qızıl Aypara Cəmiyyəti tərəfindən Ağdam-Xankəndi istiqamətinə göndərilmiş yük maşınları ərazidə Xankəndinə keçidi gözləyir. Erməni tərəfinin əgər həqiqətən aparılan yüklərə ehtiyacları olsaydı, sülhməramlı kontingent tərəfindən yolun bloklanmasını tələb edərək bu yüklərin əraziyə keçidinə mane olmazdılar.

“Azərbaycanın ərazi bütövlüyünü sözdə dəstəkləyən Ermənistan Baş naziri yaxşı olardı ki, Qarabağ bölgəsində yaşayan erməni əsilli sakinlərin Azərbaycan qanunvericiliyi çərçivəsində reinteqrasiya siyasətini də dəstəkləsin və Azərbaycanın ərazi bütövlüyü və suverenliyinə qarşı müdaxilələrdən çəkinsin”.

Trend.az saytında yayımlanan “Bu marşrutlar gecikir – SİYAHI” sərlövhəli yaıda gecikən marşurutlar haqqında məlumat verilib. Müəllifin sözlərinə görə Bakı-Sumqayıt şosesi - Bakı Beynəlxalq Avtovağzal Kompleksi - Moskva prospekti - 20 Yanvar dairəsi istiqamətində, 3-cü mikrorayon dairəsi istiqamətində, Ziya Bünyadov prospektinin, Müzəffər Nərimanov küçəsi ilə kəsişməsindən başlayaraq köməkçi yol, eyni zamanda, M.K.Atatürk prospekti ilə kəsişməsindən Azadlıq prospekti ilə kəsişməsinə qədər olan hissə, Tbilisi prospekti, Heydər Əliyev prospekti, Babək prospekti, Mikayıl Useyinov küçəsi - Azneft meydanı istiqamətində, Şah İsmayıl Xətai prospekti-Təhsil Nazirliyi istiqamətində sıxlıq müşahidə olunur. Bu kimi bir çox küçələrdən keçən avtobuslarda gecikmələr olub. 

Sosial media

AzadlıqRadiosu

Azərbaycan Fransaya nota verib – Müəllifin sözlərinə görə humanitar yük elan edilmiş avtomobillərin Fransanın bir neçə şəhərinin rəhbər şəxslərinin müşayiəti ilə "Laçın" sərhəd-keçid məntəqəsinə göndərilməsi ilə bağlı XİN-in etiraz notası Fransa səfirinə təqdim olunub. Müəllif qeyd edib ki, Fransanın bu cür hərəkətlərinin təkcə Azərbaycanın daxili işlərinə birbaşa müdaxilə deyil, həm də ölkənin suverenliyinə və beynəlxalq hüquqla qorunan ərazi bütövlüyünə qəsd olduğu vurğulanıb.

Prezidentin köməkçisi:”24 saata Laçın yolunun açılması təmin oluna bilər” -  Müəllif bu  haqada Hikmət Hacıyevin  verdiyi açıqlama haqqında yazıb. Hikmət Hacıyevin sözlərinə görə Azərbaycanın suveren ərazisində qanun çərçivəsində olmaqla yolların hərəkət fəaliyyəti açıq olmalıdır: "Qondarma rejim nümayəndələrinin öz aləmlərində bu yolları (Ağdam-Xankəndi) bağlı saxlamaları və bunun əsnasında da öz qanunsuz mövcudluqlarını təmin edəcək bir yanaşması bizim üçün qəbuledilməzdir".

Azərbaycanın Livandakı səfirliyinə Partlayıcı bərkidilmiş şüşələr atılıb- Müəllifin sözlərinə görə XİN-in rəsmi açıqlamasında aksiya keçirənlər "50-yə yaxın erməni əsilli şəxslər" kimi təqdim edilir. Müəllif qeyd edib ki, hücum nəticəsində səfirliyin heyəti xəsarət almayıb.