Dövlət başçısı İlham Əliyev çərşənbə axşamı Çingiz Salman oğlu Qurbanova “Azərbaycanın Milli Qəhrəmanı” adı verilməsi (ölümündən sonra) haqqında sərəncam imzalayıb.
Hərbiçi bu ada Azərbaycan Respublikasının ərazi bütövlüyünün qorunub saxlanılmasında "xüsusi xidmətlərinə və döyüş tapşırığını yerinə yetirərkən göstərdiyi şəxsi igidliyə görə" layiq görülüb.
Xatırladaq ki, Qurbanov dekabrın 29-da Ermənistan-Azərbaycan sərhədində döyüş qarşıdurması zamanı həlak olub. Döyüşlərdə üç erməni hərbiçisi, o cümlədən bir zabit həlak olub.
Döyüşdən sonra Çingiz Qurbanovun cəsədi Ermənistan tərəfdən qalıb. Həmin vaxtdan ermənilər Qurbanovun cəsədini verməkdən imtina edib, bir aya yaxın cəsədi özündə saxlayıb. Həmin döyüşün təfsilatı açıqlanmır, amma Ermənistan tərəfi azərbaycanlıların döyüş postuna hücum edərək, orada onları güllələdiklərini bildirib.
Azərbaycan tərəfi iddia edir ki, ermənilər diversiya törətməyə çalışıb və cəhdin qarşısı alınıb.
Erməni saytlarından biri erməni hərbiçilərinə istinadla etiraf edib ki, döyüşdə Çingiz Qurbanov xüsusi qəhrəmanlıq və şücaət nümayiş etdirib. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz