Sentyabrın 8-də Bakı Agır Cinayətlər Məhkəməsində gənc fəal Qiyas İbrahimlinin məhkəməsi başlayır. Vəkil Elçin Sadıqovun Turan-a verdiyi məlumata görə, cinayət işi Ənvər Seyidovun icraatına verilib.
Gənc fəal Cinayət Məcəlləsinin 234 (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma), 234.4.1. (qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədilməklə), 234.4.3-cü (külli miqdarda törədilməklə) maddələri ilə ittiham olunur. Onu 5 ildən 12 ilədək azadlıqdan məhrumetmə cəzası gözləyir.
Xatırladaq ki, Qiyas İbrahimov və Bayram Məmmədov mayın 10-da qanunsuz narkotik dövriyyəsi ittihamı ilə həbs olunublar. Lakin onlar bu ittihamı rədd edərək bildirirlər ki, Heydər Əliyevin abidəsinin üzərinə “Qul bayramınız mübarək!” və s. yazdıqları üçün həbs olunublar.
Məmmədovun işi üzrə istintaq davam edir. -16D-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz