Hərbi Prokurorluq əsgər Ceyhun Hübətovun ölümünün araşdırılması barədə
Hərbi Prokurorluq yanvarın 7-də vəfat etmiş vəfat etmiş Ceyhun Hübətovun ölümünün araşdırılması ilə bağlı altı jurnalist və vətəndaş cəmiyyəti fəallarının sorğusuna cavab verib.
Əsgərin üzərində zorakılıq əlamətləri olan cəsədinin fotosu sosial şəbəkələrdə yayımlandıqdan sonra ictimaiyyət onun ürək çatışmazlığından vəfat etməsi ilə bağlı rəsmi versiyadan hiddətlənib. Yanvarın 12-də Bakıda orduda döyüşdənkənar itkilərə etiraz olaraq kütləvi aksiya keçirilib.
Prokurorluğun jurnalistlərin sorğusuna cavabında deyilir ki, yanvarın 7-də Gəncə Hərbi Prokurorluğu C.Hübətovun xidmət keçdiyi qoşun hissəsində vəzifəli şəxslərin barəsində CM-in 342.2 maddəsi (xidmətə səhlənkar yanaşma) cinayət işi qaldırıb.
Yanvarın 11-də iş Respublika Hərbi Prokurorluğunun Ağır Cinayətlər üzrə İstintaq İdarəsinə verilib. İstintaq qrupu ölümün səbəblərini və başvermə şəraitini araşdırıb, günahkar şəxsləri və digər durumları müəyyən edib, onların cinayət məsuliyyətinə cəlb olunmasını və müvafiq həbs qətimkan tədbirinin seçilməsini təmin edib.
İnformasiya əldə olunması haqqında qanunun 34-cü maddəsinə istinadən prokurorluq istintaq sirrini açıqlaya bilməz və C.Hübətovun ölümünün səbəbləri və başvermə şəraiti, həmçinin cinayət məsuliyyətinə cəlb olunmuş şəxslər haqqında informasiya verməyi məqsədyönlü saymır.
Sonra prokurorluq bildirir ki, ölümün səbəbləri və başvermə şəraiti ümumiləşdirilir, təhlil edilir, Müdafiə Nazirliyi və digər güc qurumları ilə müzakirə olunur, hərbi hissələrdə zəruri qabaqlayıcı tədbirlər həyata keçirilir.
Cavabı kriminalistika şöbəsinin müdiri, Hərbi Prokurorluğun Ağır Cinayətlər üzrə İstintaq İdarəsinin rəis müavini Emil Tağıyev imzalayıb.
İnformasiya sorğusunu hüquq müdafiəçiləri Rəsul Cəfərov, Samir Kazımlı, jurnalistlər Mehman Əliyev, Natiq Cavadlı, Nicat Səmədoğlu, Seymur Kazımov göndərib.
Analoji sorğu Müdafiə Nazirliyinə də göndərilib, lakin nazirlik cavab vermir. —06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz